يالي تبي فرقاي عقب المواصل

ياللي تبي فرقاي ... عقب المواصل
ماكنك بشفي ... ولا كنك مناي
كانك تبي فرقاي ... ما هوب حاصل
العام خيَرت .. ولا اخترت فرقاي
قد قلت لك يا تبتعد يا تواصل
وزعلت وارضيتك وشاركتك الراي
والحين لو فارقت .. ويش المحاصل
غير الحزن .. والله يستر من الجاي
في قلبي من الوقت .. اربع فواصل
حلمي .. وحظي .. وانت..والرابع رضاي
ما علمت عيني السهر والمواصل
لكن تبكيني ولا تسمع بكاي
لو صدق ... من يمشي على الدرب ياصل
ما كان خالف ذا المثل منهج حكاي
تعبت .. وانا اسير وازريت لا اصل
لا ارتحت في يومي .. ولا طاب ممساي
شفني انا وشوف انت وين انت واصل
تجرحني بفرقاااك .. وتشح بدواي
لا تطري الفرقا .. وانا ابغي المواصل
وانت تدري انك بين خلق الله مناي
كانك تبي فرقاي ... ماهوب حااااصل
العام خيَرتك .. ولا اخترت فرقاااي

تقبلوا تحياتي وشكري

< أخي الوتيش >

صح السانك

والله لايهينك على ماكتبت

لك شكري وتقديري