قصيده للشاعر / عبدالله صلاح العزيزي

بسم الله الرحمن الرحيم

السلام عليكم ورحمة الله وبركاته ,,,

هذه قصيده مهداه من شاعرنا الأخ / عبدالله صلاح العزيزي

إلى الأخ والشاعر / محمد بن علي الفريدي.

سلام ياحر(ن) تعلى بالأوكار=يا للي فعايلهم على طول الأزمان

على الوفاء و المرجله سر وجهار=يشفق على النوماس والله كحيلان

هو الفريدي من طويلين الأشبار=في ساعة الوقفه وروغات الأذهان
محمد النادر تعلى بالإشهار=ولد علي عندي دلايل وبرهان
اللي لكم بالكون مجد(ن) ومدرار=عيال راشد ياطويلين الأيمان
أقسم برب البيت والرب ستار=يا مجد حرب وسلة السيف شامان
انك تمجد منهو اليوم لك سار=فعايلك بالعز في كل الأوطان
ملفــى لمنهو ناصيله وللجار=سلايل رجال(ن) قويين الأمتان
اللي يعاديهم على الغبن صبار=أهل الكرم و أهل الفعايل وشجعان
منهو نصاه يبشرونه بالأبشار=من حد عرعر لين تاصل لنجران
وانته يابوسلطان من وكر الأحرار=ياعصاية(ن) للراس ومن حسبة أخوان
والأمر عندك بين شفرات وأسرار=أما على التوقيع والأمر باللسان
وأنا أنتظر للرد عجل(ن) ومحتار=وأبي ردود الخير منك وشفقان

وأختامها مني سلام(ن) وتذكار=يالوافي الضرغام ياطير حوران

ودمتم بحفظ المولى

أخي برق الظلام
سلمت اناملك على هذا الطرح الجميل
وصح الله لسان شاعرنا أبو باسل وعلا شانه

قصيده جميله أمتعتنا بها
فلاتحرمنا من جديد شاعرنا
ودمت بخير