شيله لاح برق الفرح كلمات واداء الشاعر تركي الميزاني

قصيده لاح برق الفرح .. لـ صاحب السمو الملكي / نايف بن عبدالعزيز آل سعود
أداء الشاعر تركي الميزاني

للتحميل مباشر
http://www.turky2000.com/vb/uploaded/694_1243544147.mp3
لاح براق الفرح واستمطرت سحب التهاني

وابتهج وجه الحجاز وغطرفت نجد العذيه

جيت اسابق عقرب الساعه ودقات الثواني

لجل أهني سيدي نايف وزير الداخليه

وألتقيت من البيوت الشرد يوم العلم جاني

وقمت ارددها على طرق اللحون السامريه

والبيوت اللي مفاخر سيدي فيها معاني

يشهد الله ماتتعبني ولا تصعب عليه

تمتلكها موهبه شعري وينطقها لساني

واكتب اسمي فوقها واسمبها خد المطيه

والقصايد في سموّك يالحصان ابن الحصاني

تنحنيلك من وفا واخلاص وادق التحيه

انت من تسهر عيونه لجل نرقد في الاماني

وانت صرحٍ مانعيش الا تحت ظله وفيّـه

وانت رمزاً للوطن والدين واطوال اليماني

وانت من يرفع شعار العز باليمنى الصخيه

لك مكان بين مجمل جدي وسهيل اليماني

وآهني المنصب الي يحمل اسمك وآهنيه
ــــــــــــــــــــــــ
الله يعز آل سعود ويحفظهم ويطول بأعمارهم ويرزقهم البطانه الصالحه وتعجز الكلمات عن تعبيري لحب نايف بن عبد العزيز وإعجابي بشخصيته وحنكته اطال الله بعمره ومتعه بالصحه والعافيه .

وتحيتي لكم