مامنكم احد عزمني على القهوة

السلم عليكم ورحمة الله وبركاتة

عليكم السلام ورحمة الله وبركاته

هلا مرحبا فيك

حياك الله

اخوي ابن متلع
حياك الله وانت راعي محل
تستاهل الشاذليه يالنشمي نعزمك ونحيي بلحيتك على القهوه وعلوم الرجال وانت من اهلها
نرحب بك وانت راحي محل
وعلى الرحب والسعه نستقبلك في منتدى بني عزيز
اقلط حياك الله والدله في الطريق
اخوك
الطريس

حياك الله شرفنا حضورك و بالنسبه للقهوه انا معزوم والاسطوانه مخلصه والبنشري مسكر ومفتاح الددسن ضايع ومكتب الخطوط السعوديه مشغول

حياك والله ،،،،،،،،،،،،

اذاكانت الصطوانة مغلقة فية حطب
واذكان البنشر مقفل فية تاكسي
واذاكان مكتب الخطوط مقفل فية مطار

والله يابو متلع مالي وجه معك اذا عزمتك للقهوه لازم اذبحلك
والحلال ماضوى ومشكلتك مشكله مالقيت تدخل المنتدى الا ذا الوقت
لكن اعزمك في بارنيز على القهوه

حيــــــــــــــــــــــــاك يابن متـــــــــــــــــــــــلع

إن شاء الله تفيد وتستفيد

اتمنى لك التوفيق إلى مايحبه الله ويرضاه

حياك الله اخي ابن متلع

المحل محلك والدار دارك

انا بنت ابوي

حيااك على القهوه

مير انت علامك يوم جيت عند الباب ورا ماعطيت لك بصيحه اذن نسمعك

حيااك الله ويامرحبا من ممشاك ليا ملفاك

يالشيخ

فجر

يحق لك يابو متلع حتى الحريم يعزمنك
يالله عطها صيحه عند الباب واقلط