0"اُكـتـب بـيـت شـعـر يعـبــر عــن حــالــتـــك"0

صد قني ماضقت من فرقاك بالمره
وان ماذبحني سوى حاجه بجوالي
الي قهرني وقهر قلبي من الحره
اني مخزنك في جوالي الغالي

لي عودة للرد عليك يالليث انشالله

الله يحيك ابويزيد

ياطير بلغها سلامي إذا حولها طرت
عني وعن ربعي لبنت الشجاعي

وأنا لجل مدح العفيفين ماجرت
ما هي من اللي يلبسون القناعي

طيبة وعفوية مع خبالة زقرت
واذا بغيت العلم شفت الدواعي

علام يا وقت الرخا عنه وخرت
وهو على لاماك شفوقن مراعي

هذي خصوصيتها وانا ماتفسرت
أكيد جدت في حياته دواعي

أقولها ولاني مخيَر ولا شرت
لعل من بعض المضرة انتفاعي

وسلامتك يالليث ،،،

فــي غــيابها ان كـان انـتــه تأثـرت
اللـيث فـي وسـط الـخلا تــقـل راعي

يفدا فجر ياخوك من يلبس الشورت
الجــادل الي تــقـــل دفــعــن رباعي

ماينفعك لوك شجبت ولو أنكرت
هذا قرار أقدر أقوله شـجاعي

إلى متى مانحسب لخطوتنا كرت
على طريق الزين تحقق مساعي

بعض العرب انحاش لمسقطه سرت
يبا الامان وطاح وسط السباعي

لوك زرعت الطيب فالناس ما جرت
وفرقتهم ما بين شبعا وجياعي

تجني وفا لكنك لحتفك اخترت
موتتة جريذين كلته الأفاعي

ونعَود لموضوعنا ياراعي الفرت
أحس فالموضوع شي اصطناعي

من موقفه أنا حقيقة تحيَرت
لكن أحس إنه مضى باقتناعي

ياصاحبي أنا على الصبر سيَرت
وحطيت فيه حاجتي والمتاعي

الى طرت علي ذيك الخبايا توترت
ماعندي عن حكم الإله امتناعي

سمو الذات

ونعَود لموضوعنا ياراعي الفرت
أحس فالموضوع شي اصطناعي
هههههههههههههههههه

كانك عارف موتري

ههههههههههههههههههههه
جت مع الوزنيه لا تحاتي ،،

ياطير بلغها سلامي إذا طرت
عني وعن ربعي لبنت الشجاعي

صح لسانك سمو الذات

صح بدنك ،،،