اكبر قهر لاجيت تعاشق لك انسان

اكبر قهر لاجيت تعشق لك انسان
واللي تحبه ساهي ٍ ما درى بك

وأكبر قهر تحلم وتحلم لك ازمان
ويطيح حلمك ميت ٍ عند بابك

وأكبر قهر تبني من سنين بنيان
وتشوف بنٌيك ما تعدى ترابك

وأكبر قهر تسقي من الورد بستان
وتموت بين يديك زهرة شبابك

وأكبر قهر تارد على البير ضميان
وتشوف بعض الطين حايس شرابك

وأكبر قهر لاحطوا الناس نيشان
كل ٍ يزٌهب وانت ضايع زهابك

وأكبر قهر ترهي على حصان خسران
يوم السبق لا طحت كل ٍ حكى بك

وأكبر قهر لاصرت ضايع وعطشان
ونفس الطريق اللي يوديك جابك

وأكبر قهر صاحبك لا جاك خوٌان
لابحت له بالسر راح ووشى بك

وأكبر قهر تعطي وتعطي علشان
تاخذ عقب كل العطايا حسابك

كل ما سبق ذكره على الشوف ما كان
حفنة حروف ٍ مع بعضها تشابك

ماهوب هرج ٍ يِعجَنْ بفم وللسان
ولاهوب عود ٍ يكسره حد نابك

إن كنت فيما قلت تحتاج برهان
ناظر وتلقى في قصيدي جوابك

وإن كنت فيما قلت مخطي وغلطان
أترك خطانا وأنت عطنا صوابك

اخوكم المحروم

يعطيك العافيه اخي المحروم على القصيده الرائعه

بس ياليت تكتب من صاحب هذه القصيده

الله يعطيك العافية وللامام

المشاركة الأصلية كتبت بواسطة عامر العزيزي

يعطيك العافيه اخي المحروم على القصيده الرائعه

بس ياليت تكتب من صاحب هذه القصيده

اسعدني مرورك اخي عامر ولاكن هذه القصيده اعجبتني و لم اعرف صاحبها اخوك المحروم

المشاركة الأصلية كتبت بواسطة فيصل العزيزي

الله يعطيك العافية وللامام

لاهنت على المرور شرفة ونورة اخي فيصل اخوك المحروم

.........................

ماهوب هرج ٍ يِعجَنْ بفم وللسان

أترك خطانا وأنت عطنا صوابك

الله يعطيك العافيه
والله لايحرمنا يالمحروم
تقبل مروري