يا رب هونها على اللي مـن الضيـق

يا رب هونها على اللي مـن الضيـق=
= يشكي عـذاب الحـظ والحـظ مايـل
حولت اعدل ميلها غصـب وتضيـق=
=عجـزت اعدلهـا بكـل الوسـائـل
انا صبرت وفوق ذا الصبر ما طيـق=
=واليوم رجـم الصبـر تحـت تهايـل
من سبت اللـي خـان كـل الواثيـق=
=اللي عـن دروب الصـواب يتمايـل
الصاحب اللي كنت احطه لـي رفيـق=
=في ساعـة الشـدة وقـت الصمايـل
كنت أرفغـه مـن فـوق الشواهيـق=
=وأجي ظلالـه عـن سمـوم القوايـل
وكنت احسب العوجه علي قبل لاتضيق=
=ياما فعلـت بحضرتـه مـن جمايـل
ماأمنـهـا والله ولــي المخالـيـق=
=لاشـك أبذكـر خبـيـث الفعـايـل
خلاص مانـي بفاتـح معـه تحقيـق=
=خـلاص مابغالـه شهـود ودلائـل
يوم انكشف صدي وضاقت الطواريق=
=يـارب عدلهـا تـرى الحـظ مايـل

علي الريض

شكر علي القصيدة الروحانية الجميلة والرايعة

قلب العزيزي

مشكور على هالقصيده الرائعه للشاعرنا الرائع علي الريض

وياليت ياقلب العزيزي ..تقوله أن ربعك يشرهون عليك لعدم تواجدك معنا بالمنتدى وأثرآنا بقصايده .

والله يعطيك العافيه.

أخـوك

أبن صـعـيـر