الاستقامه

السلام عليكم ورحمة الله وبركاته


اقدم لكم هذه المتواضعه عسى ان تحوز على رضاكم



واترككم مع القصيده ::

يالادمي فكر عسى الله يهديك= الخير كل الخير فالاستقامه
اسلك طريق للسعاده يوديك =تسعد بها الدنيا ويوم القيامه
من منهج القران ثبت مباديك=والسنه الغرا دليل السلامه
العرف يااهل العرف نور يقديك=والا الجهل مامنه كود الندامه
تلقا من اهل الخير رجل يناديك=يعرف حلال الله ويعرف حرامه
لاتمشي الا مع رفيق ينشميك=ترى الصحيب لصاحبه كالعلامه
على طريق الخير والطيب يدعيك=ودرب الهدى والنور يعرف نظامه
يعرف نظامه من مبادي يوريك=وليلك لياعتم يبدد ضلامه
لاتغرك الدنيا تراها تباريك=ولاشي فالدنيا مواصل دوامه
ثلاث لا ثنتين واحد يخاويك =المال يرجع والعرب والجهامه
تجمع لك الحسنه وتجمع مساويك= واللي عملته لو عود الثمامه
اطو الزمن ياصاحبي قبل يطويك =الخير كل الخير فالاستقامه

صح لسانك

يا الشمالي

يالادمي فكر عسـى الله يهديـك
الخير كـل الخيـر فالاستقامـه


صح لسانك يالشمالي


قصيده جززله

ودائما مبدع في قصائدك

تقبل مروري

الشمالي

صح لسانك

والله يعطيك العافيه

هلا بك والله أخوي الشمالي

صح لسانك وصح قلبك على هالرائعة

صدقت والله

قصيدة جزلة من رجال جزل

مشكوووووووووووور

جزاك الله خير

يعطيك العافية

كـُن بخير أخي

أخوك

الفارس
أبو عبدالعزيز

الشمالي

صح لسانك

قصيده جزله كجزالة قايلها

تعتبر هذه القصيده نصيحه لمن يبحث عن النصيحه

مشكور وفي انتظار جديدك

اخواااااااااااااااااااني كلا من :

الزعييييييييييييييييييييييييييييييييييم صح الله بدنك وبارك الله فيك

سفييييييييييييييييييييييييييييرالمهد تشرفت القصيده بمرورك عليها وانت الاجمل

ابن صعررررررررررررررررر الله يعطيك العافيه يشرفنا مرورك

الفارررررررررررررررس كفو والله ولا عليك زود ورايع يابوعبد العزيز

الطرررررررررررررررررررريس اشكرك على هذا الاطراء وبيض الله وجهك

الشمالي
أقدم شكري لك على هذه الرائعة وهذه قراءة سريعه لرائعتك وبسم الله:


يالادمي فكر عسـى الله يهديـك
الخيـر كـل الخيـر فالاستقامـه

هنا نداء للتفكير قبل أعلام المنادى بالمحتوى ومن ثم أتى الخبر اليقين وهو الخير الكثير أين يوجد.

اسلك طريـق للسعـاده يوديـك
تسعد بها الدنيـا ويـوم القيامـه

هنا أتى التوجيه بسلوك طريق الخير ومن ثم أتى تبيين ماذا ستجني من هذا التوجيه.

العرف يااهل العرف نور يقديـك
والا الجهل مامنه كـود الندامـه
تلقا من اهل الخير رجل يناديـك
يعرف حلال الله ويعرف حرامـه
هنا أتى تبيين الجهل ومساؤه والعلم وكيف يكون نورا في درب صاحبه
ومن ثم أتى بيان شامل لحال أهل الخير والصلاح وكيف سيرشدونك للطريق السليم.

لاتمشي الا مع رفيـق ينشميـك
ترى الصحيب لصاحبه كالعلامـه
على طريق الخير والطيب يدعيك
ودرب الهدى والنور يعرف نظامه
يعرف نظامه من مبادي يوريـك
وليلـك لياعتـم يبـدد ضلامـه
هنا اتى شرح مفصل للبيت ولاتسأل عن المرء فأسأل عن قرينه.........فأن القرين بالمقارنة يقتدي.
وبعد ذلك أتى تبيين فوائد مخالطة الجليس الصالح وبيان ماسيعود عليك بالنفع الجم.

لاتغـرك الدنيـا تراهـا تباريـك
ولاشي فالدنيا مواصـل دوامـه
ثلاث لا ثنتيـن واحـد يخاويـك
المال يرجع والعـرب والجهامـه
تجمع لك الحسنه وتجمع مساويك
واللي عملته لـو عـود الثمامـه
هنا حذر الشاعر من ملذات الدنيا وحذر من الغرور فيها وبين انها زائلة لامحالة.
ومن بعد ذلك وضح مصير بني البشر بأسلوب يفتح أمام المتلقي خيال واسع من تصور لحال الفراق الذي لا بد منه.
ومن ثم صور الشاعر كيف ستكون جميع ماعملت بهذه الدنيا محسوب عليك ومحاسب عليه مهما كان كبر أوصغر.

اطو الزمن ياصاحبي قبل يطويك
الخيـر كـل الخيـر فالاستقامـه


وأخيرا أكد الشاعر بتكرار الشطر الأخير على الأستقامة مشددا على ان لاخير في سواها


المعذرة على أختصاري الشديد في قراءة القصيدة ولكن لكي لاأطيل عليكم
تقبلوا تحياتي

شكرا اخوي عامر خوي الذئب من القلب على مرورك وقراتك لهذه القصيده



تحليلك للنص اكثر من رايع الله يعطيك العافيه وبيض الله وجهك

شاكررررررررررررررين لك مرورررررررررررررك

وتقبل تحياتي
الشمالي