المحاوره لهذا الاسبوع الموافق 8/5/1429 بين شاعرين متميزين

أسسستلــــم

شجرة ٍ ماتبدي الظل مقطوع ٍ رجاها=نحتطبها دون رحمه وأدفيك ابضياها
ماعلينا من نفوس ٍ تصايح في خلاها=ولعوها نار والنار من شبابهاااا

ياطيب القلوب اللي عن الحق ماذلـّـت=ويقطع قلوب ٍ غشها الوقت معميـّـه
ونا جيتك ابعرق ٍ دوى اقلوب ٍ انعلـّـت=وسبحة حيكم الشور فـ اليد محميـّـه

سايق الخير

ياسلام الله عليكم وترحيب ٍ نسوقه=للرجال اللي على العز دايم امخلوقه
يالنشاما قومو الصف لاشين يعوقه=ولعوها نار والنار من شبابها

سواحيق بـُشرى الخير بحضوركم هلـّـت=سلامي عليكم ياهل العز رديّـه
ليا زانت الطرقه ترى الهجس ماملّـت=ونار القضيه ماتطفى وهي حيـّـه

سهاج


بالنيابه عن مطير العزيزه مرحبا
باللذي سلم ورحب وعجل فالنبا
قدم الاخبار بالحال ياهدهد سبا
ولعوها نار والناار من شبابهااا

هلا مرحبا ترحيبة ٍ حلت وفلت
نيابة عن المطران حماية الهيّه

تزين العلوم وكل نفس ٍ ليا كلــت
نجدد شقاها دون رحمه وماويّه



سايق الخير

الأمانه تلتجي للنفوس اللي تخافي=وينها أحكام تطبيق شرعا ً مايشافي
من عصر جدي وجدك تغنينا القوافي=ولعوها نار والنار من شبابهاااا

يدوم البقى وسيوف معنى لك أنسلـّـت=تقص الرقاب اللي عن العز مقفيـّـه
أشوف المزون اللي على الغث ماجلـّـت=عسى رجوة الظالم تقفـي عن النيـّـه

سهاج


الامانه حق والحق معلوم ٍ نصــابـه
ما يدور عند ربع ٍ تخبط في حسابه
مار لا تسأل ترا للعرب مليون جابه
ولعووها نار والنار من شبااابهاا

تسل السيوف اللي عن الناس ما خلت
حقوق الوفا والناس بالطيب معنيّــه

يشوف المزون وجملة الخلق ما حلت
حقوق ٍ علاها من غثا الوقت مقضيّه


سايق الخير

للعرب سلم ٍ وكل ٍ على حسبة أصوله=يايرقيها سنود أو تطمنها فعوله
واحد ٍ يخفي حقيقه وجت نفس ٍ تقوله=ولعوها نار والنار من شبابهااااااا

ترى قطرة الما ماتبلل ولو بلّــت=تغث الكبود اللي ابعطشها شقاويـّـه
واشيب العيون اللي على الحق ماطلّـت=تبا تشبح ادروب ٍ عن الخير ملويـّـه

سهاج


الحقايق واضحه والحرار الصيرميه
ما تغطي روسها وان تقفتها الرديه
وياعميل الخير ما نجزي السيه بسيه
ولعووها نار والنااار من شبااابهاا

نخيل الخيال اللي من المزن ما شلت
ياكود البروق اللي قفت كل صيفيه

وترى السبحه اللي منقطع خيطها انهلت
وضاع الخرز من يدك والناس مبليّه



سايق الخير

شجرة ٍ ماتبدي الظل مقطوع ٍ رجاها=نحتطبها دون رحمه وأدفيك ابضياها
ماعلينا من نفوس ٍ تصايح في خلاها=ولعوها نار والنار من شبابهاااا

ياطيب القلوب اللي عن الحق ماذلـّـت=ويقطع قلوب ٍ غشها الوقت معميـّـه
ونا جيتك ابعرق ٍ دوى اقلوب ٍ انعلـّـت=وسبحة حيكم الشور فـ اليد محميـّـه

:36_1 _33:: 36_1_33::hlopaetf g:

سهااااااااااااااااااااج

استمر في الابداع

وبعد المحاورة انشاءلله محاورة معي ومع الفارس

ياوسيع العرف دوك الخبر واخذ الوصيه
زالها في يدك لا تحذف الغلطه عليه
خلها بيني وبينك وفا مع مقدريه
ولعوها ناار والنار من شبابهااا

ياطيب العلوم اللي على الطيب لو حلت
محل العلوم اللي تجي خبط عفووويه

ولكن جميع الناس ياصاحبي دلت
دروب ٍ جهلها راعي العرف عانيه

صح لسانك ياسايق الخير
وسعدت باللعب معك .


والله لا يهينكم جميع على المتابعه المشرفه
وصحت ابدانكم

وتصبحوون على خير يالرربع

صح الله بدنك سهاج وصح الله لسانك يالقرم

تشرفت باللعب معك

بيض الله وجيهكم جميع لا خلى ولا عدم

لكم جل الشكر والتقدير على المتابعه المشـرّفـه

وشكر خاص لـ سفيـر المهد على مجهوده النيير ابيض وجهه

تصبحون على خير جميع

اخوووووووووواني الشعراء

سهاج

وسايق الخير


بيض الله وجيهكم واشكركم شكر خاااص على تلبيتكم الدعووه وتشريفكم لنا

واستفدنا من محاورتكم الرائعه ومن خبرتكم

الله لايخلينا منكم

والشكر موصووووووووول للاخوان الذين حضرو معنا من المتابعين ومشجعين



وان شاء الله الى لقاءات تجمعنا معكم ومحاورات اخرى



واعيد واكرر الشكر لكم جميعا

بيض الله وجيهكم

وتقبلووووو تحياااااااااااااااتي

بيــّـض الله وجيهكم يالشعراء بجد اتحفتونا وأبدعتم

صح لسانك سهـاج

صح لسانك سايق الخير

ونشكر المتألق دوماً سفير المهد على تنسيقه واهتمامه

ونشكر كل من حضر

و نشكر الفارس ههههههههه


أبو ماجد جبتها على نفسك يا ويلك مني ومن قصايدي ماني بسيط انا أدفن المعنى دفـن لو تجيب عشرين شيول ما طلعوووهـ خخخخخخخخخخخآآي


استمتعنا بجد بالمحاورة الرائعة

ونشكر شعراءنا سهاج وسايق الخير ونتمنى منهم التواصل الدائم كما عودونا

الله لا يحرمنا من ابداعهم

كـُـونـوا بخير أخوتي

أخوكم

الـفـارس
ابو عبدالعزيز

«®°·.¸.•°°·.¸¸.•°°·.¸.•°®»سفير ااااااالمهد مشكور على ااااااالتنظيم
وصح ااااالله السان اااااالشعار المبدعين
ساااااايق الخير # سهااااااج
وامتعونا باااااالمحاوره الحماسيه


تحيااااااااتي «®°·.¸.•°°·.¸¸.•°°·.¸.•°®»

وعبني غبناه هي خلصت المحاورة تراي متحمس ابي امسك لي صف