فخر واعتزاز بالبطل ماجد عمران

السلام عليكم ورحمة الله وبركاته
كل عام والجميع بخير ، تفاعلاً مع موضوع البطل ماجد عمران توالت ردود الافعال من ابناء الوطن ومن ضمنها هذه القصيدة التي اسندت إلي من الشاعر / عبدالمجيد بطيان العسافي العوني ، وجاريتها بالقصيدة التي تليها وأتمنى ان تحوز على رضاكم :

(اهدأ للبطل ماجد المطيري )

يا الله صباح الخير يا موطن الخير
خيرن يعم المملكه والقيادة
ويخص كل مطير ويعيشوا مطير
قومن لهم فالمجد موقع وعادة
من سابق الأيام قدنا الطوابير
ما همنا حر الزمان وبراده
دليل حي ولا يبي اي تفسير
ماجد لديه المختصر والإفادة
انقذ خويه فالليال المعاسير
من سطوته من قوته واجتهاده
موقف شرف دونه ماتنفع معاذير
وقدر الخوي مع قدر شربه وزاده
ياكاتب التاريخ شوف الأساطير
ماجد لاتنسى اسمه عليك اعتمادة.
ضحى بنفسه ماحسب للمخاسير
من اجل دين الله ونصرة بلادة

المجاراة :

يا الله ياوال الامر والمقادير
منك الامر واليك وحدك معاده
اجعل لنا يارب فالامر تيسير
واغمر حياة المسلمين بسعاده
من يم ابوعدنان نسل المناعير
اللي لهم سابق نعم فالرياده
جتني رساله مفعمه بالتعابير
وقولٍ يفوح المصطكى من قناده
تحمل عبارات الفخر والتباشير
وتصب في حوض الثناء والاشاده
شوشة سطر ماهي حكاية فوازير
واعجاب مشعل مهجته واعتقاده
اعجاب باللي صخّر المجد تصخير
حتى تربع فوق قمة شداده
ماجد ولد عمران ذخر المسافير
اللي نسبهم من عزيز امتداده
اللي لعمسات المواقف مداوير
حب المكارم في نظرهم عباده
وقبله ولد عمه بدار الخنازير
جيرانه انقذهم بقو اجتهاده
ثامر سليمان العزيزي من مطير
يكتب على صحف الأجانب مفاده
بعض المواقف غير واصحابها غير
ترقابهم على عروش السياده
وتقرالهم على الملا فالمنابير
وتبقى على صدور المفاخر قلاده
لاهنت ياشوق البني الغنادير
ياحاملٍ للطيب كامل عتاده
انته شريك بكل ماصار ويصير
وامجادنا ماهي بحاجة شهاده
مطير بالامجاد غطت على الزير
وغطت على ابن هند وبن رفاده


ولكم خالص تحياتي / ابومولع

حياك الله يابومولع بعد طول الغيبه

صح لسانك وصح لسان الشاعر عبدالمجيد العساقي

مجاراه رايعه وقصايد جزله بيض الله وجيهكم

حياك الله يابومولع

صح لسانك وصح لسان الشاعر عبدالمجيد العسافي

قصيده ومجاراه جزله

</b></i>