عسى العلوم جداد ياحزة عصير( نايف معلي العزيزي)

حزة عصير وما ادراك ما حزة عصير اترككم معها وما جادت به القريحه....

عسى العلوم جداد يا حزة عصير .... مبطي وانا ارد العلوم القديمه

ماجاني اللي قلت له يامساء الخير..... حتى الهواء نفسه يكرر نسيمه

اهيم مع شعري وصلف التفاكير.... ........واجابه الدنيا بقو العزيمه

اسايس المهبول واقدي صغير.......وافهم من اصحاب العقول الفهيمه

صحيح ماني تاجر ولاني امير........... رجل ليا ضاقت تلقى الخريمه

ترى الغنيمه ما تجي بالدنانير...... .........العافيه والطيب راس الغنيمه

واللي لصلفات الزمن ماهو بعير............... النار ماتلقى تعب فالهشيمه

الجود ماهو في يدين الهوامير .............. الجود والله فاليدين الكريمه

احذر تعلقها بعذر المقادير...................... صحيح لكن العواقب وخيمه

واللي عن الواجب يدور معاذير.................خله وقول امك تراها عقيمه

خاو الرجال الطيبين المناعير.................... اللي مخاوهم معزه وشيمه

واللي ماقدر خوتك يا عسى خير................ ماوقفت الدنيا ولاهي جريمه

عرفت معدنهم على اقل تقدير.................واخذت من عرف الهلامه قسيمه

ولاجات للنوماس مانومسك غير................ رجل ليا جات المواقف صتيمه

وراع الردى لو حاول يعدل السير ................ تبقى النوايا منه ماهي سليمه

الحثل مهما فاح لابده يحير................ في قاعة الدله ولا منه قيمه

وانا هجوسي ينشرح حزة عصير..... ..............ولاضاقت اخلاقه يذب الخريمه

.................................................. ..............

الحثل مهما فاح لابده يحير
في قاعة الدلة ولامنه قيمه


صح الله لسااااااانك .... يابو شاهر


نص قي غاية الروعه ،والأبدااااااااع


تقبل مروري مع التحيه

شاعر بني وايل كفو شاعرامطير
نايف دروبه دايـــماً مستـــقـيــمه

صح لسانك واعتلا شانك
مافيك حيله لا بشعر النظم ولاالمحاوره
وتقبل ارق تحياتي يانايف

الاخ الشاعر نايف معلي العزيزي والله اني كل ماقلت اريد اختار بيت واعلق عليه وجدته افضل من الذي قبله لذا ما اقول الا لله درك

اخوك نايف المغيبي