ديوان الشاعر عبدالله المندهه

كن الزمن جالــــــــس يطالبني بثار
مدري علامه حــــــــــط دوبه ودوبي

قلبي يودع هم وهــــــــــموم خطار
خطار قلبي من شــــــمال وجنوبي

ومن يوم ضيفي هــم يبشر بمقدار
الله يحييهم بصـــــــــــــــــدرً رحوبي

الضيف له عندي هلا مالــــــه اعذار
يامرحباء بالهم لاســـــــــــار صوبي

والقلب اخذ مع ضيفه الهم مشوار
قلبً كريم ولا المـــــــــعزه كسوبي

جعله على القـــــــوه لياء وقتنا دار
من كثر همه مايحسب محسوبي

مايشتكي هـــــمه على كثر ماصار
حرام مايبلش يعــــــــــــرف الدروبي

حرً لياء ضاقت كفــــــــخ ريشه وطار
يكفخ لياء كثرت هــــــــروج الكذوبي

طبعه يجي قاسي لياء جات الاخطار
يومن قلب اللاش ســــــــرعه يذوبي

وعياء يقوم الحظ ويــــــــشوف الانوار
ماكنه الا لتعاسه مغصــــــــــــــــوبي

ويزيد همي لانتهى شــــوف الابصار
ويثور هاجوســـــــــي بوقت الغيوبي

والادمي يمشي تحت حكـــم الاقدار
اقدار يعني كل شــــــــــــي مكتوبي

ويالله يامنجي عبيــــــــــدك من النار
يالله تقبل توبت اللــــــــــــــي يتوبي

يارب عبدك يطلـــــــــــبك وانت غفار
يارب انا طالبك تغـــــــــــــــفر ذنوبي
............................................