مقتطفات من ديوان حرب الشاعر:هواش بن عايد بن زبن الحربي

مقتطفات من ديوان حرب




نبذه عن الشاعر:هواش بن عايد بن زبن السليمي الحربي.ولد عام 1347ه عمل بالزبير من عام 1362-1365ه ومن ثم عاد للباديه في نجد ثم التحق بأفواج الحرس الوطني عام1368ه بقايدة ( الامير محمد السديري في سكاكا) وسأورد لكم قصائده مع الشاعر لأمير محد السديري لاحقا
.ثم انتقل الى الشام بالفتره مابين 1369-1371ه ثم التحق بالحرس الملكي عام 1372ه ثم انتقل للامن العام سنة1373ه حتى عام 1384 حيث انتقل بعد للعمل بأمارة المدينه المنوره بعهد الامير( عبدالمحسن بن عبدالعزيز) وعمل بالمسيجيد ومن ثم انتقل للحرس الوطني بأوائل التسعينات هجري وبقي فيه حتى تقاعد عام 1-7-1416ه

له مجاره مع لأمير محمد السديري سأوريكم بها لاحقا

.لقبه (ابو عفريتة)..

حتى أنه يعرف به أكثر من اسمه الحقيقي..
وأما سبب التسمية ..
فكان هناك شاعر قلطة لا يشق له غبار لم يهزم قط ( داخل معسكرهم بالشرقية)
حتى جاء هواش ومن لقاء اول تغلب عليه بشهادة الجميع..
سأله أحدهم (كيف غلبت أبو جنيّة) ..
قال اذا هو ابو جنيّة انا (ابو عفريته ) فكان هذا اللقب...اتضحت شاعريته منذ الطفولة ..
فقد قال وهو ابن الخامسة عشرة..

راع الردى لا تكرهونه على الطيب=العبد ماله غيـر مالله كتـبلـه
اشهد شهادة حق مدح الردي عيب =مثل الصلاة اللي على غير قبله

حكمه يرددها الكثير الصغير والكبير

كان رحمه الله يحب اقتناء الابل .توفي رحمه الله في 26-6-1425ه يوم الخميس بمسجده بعد أداءه صلاة الفجر بسكته قلبيه..
رحمه الله رحمة واسعه هو واخواننا المسلمين.((ماسبق نقلا من الاخ العزيز والشاعر ماجد بن هواش السليمي))

وكانت هناك العديد من قصائد الرثاء به أوردته عدة جرائد ( الجزيره الرياض عكاظ) والساحه الشعبيه والواحه وغيرها

مع اول القصائد


قصيده موجهه للامير الفرم





النور من رب السموات تنزيــــــــــل =والمرجلله بيرن طويل ٍ رشاهــــــــا

وخصوبهن ياسايقين الفناجيـــــــــــل = إرجال يشكر بالمواقف ثناهــــــــا

خصوبهن شقران لو يزعل الفيـــــــــل = الحق تعطى كل لحيه جزاهــــــــــا

ويالمرشدين ويالغزاة المجامـــــــــيل = وش فرق غيض انفوسكم من رضاها

الكبر للفرد الصمد يابهاليــــــل =اللي نزل قوله على صدر طاهـــــــا

قادر ولا يطلع على قدرته حيـــــــــل = اللي رفع سمك السماء عن وطاهــا

وأنتم خدم خدام جيل ٍ بعد جيــــــل= وكل النوامي طلعها من ذراهــــــــا

لاباس مثل الناس مامن تنافيـــــــل = وزود النفوس الطايشه من خطاهــــا

ومر الليالي للنشاما مكاييـــــــــــــل =قدم الربيع اليا تكدر صفاهـــــــــــا

وبقعا مقيمه والليالي مقابـــــــــــيل = وانته تشوف وشوف عينك مراهــــا

يامير حرب وياذراهم عن المـــــــــيل = يوم السنين السود دارت رحاهـــــــا

كل النهار وماتقدم من اللـــــــيل = انجورهم يجذب عليها انداهـــــــــــا

الهيل تطلع حبته مثلها هـــــــــــــيل =يالله عسى البذره سبلها كماهــــــا

ومدح ٍ بلا شاعد خطا مثل ماقــــــيل = وانا مزكي جابتي عن عداهـــــــــا

ولا اقوله اقصد مال ياشاطي النيـــل = قصدي عرف عراف ماقصد عطاهــا

يامير حدوا نشرنا مع مصاقيــــــــــل =مستظهرين نشورنا عن سواهــــــا

ونب الكبار يوصلون التفاصــــــــــيل = واقصى نظرها ماتعدا عشاهـــــــا

واخترت عنه اللي يسوق الهمالـــــيل = وربك يبي يقضي لزومي بلاهــــــا

واشكي لكم شكوى قليل المداخــيل = والسالفه ماني على مستواهـــــــا

ونصيت قبل أنصاك عدة رجاجـــــيل = وجال تنعتني رجال ٍ وراهـــــــــــا

ورجال تجهد مار مامن محاصيــــــــل =اليا ملا دلوه خصيمه كفاهـــــــــــا

ولاهي كثير ان شلت عن مثلي الشيل =هذي طبوع جدودكم من وفاهـــــا







وهذه الابيات مجاراه بينه وبين عيد مربح الرشيدي

يقول عيد




ياعلاوي نجـد علـك مراديـم السحـاب=ديرةٍ فيهـا تربيـت يـوم انـي صغيـر

ياطبيب النفس شنهـو عـلاج الاكتئـاب=اعطني وصفة اعلاجه ترى وضعي خطير

عشت في غربة حقايق وفي وضع اغتراب=والتجـارب علمتنـي علـى شـي كثيـر

استفدت من الذيابه ومـن نبـح الكـلاب=واستفدت من الرغا واستفدت من الهديـر

ولاكسبت الا معرفـة عزيزيـن الجنـاب=ولاخسرت الامعرفـة عديميـن الضميـر

اقترب لا مقترب شين بعـض الاقتـراب=ابتعد لا مابتعـد شـي فـي حقـي كبيـر

ياسؤالٍ كـل ماطرحـك ملقالـك جـواب=مالي الا الصبر واهل الصبر توعد بخيـر

وصف خلان الرخا مثل ضحضاح السراب=يفرح العطشان شوفه يحسب انـه غديـر

والردي لو هو ولد عم لاتحسب له احساب=كم عزيزٍ ذلـه الوقـت بضيافـة حقيـر

والدروس انـواع تطبيـق والا بأنتسـاب=بس انا اللي طبّق الـدرس قـدام المديـر

يا غريب ان مت شيلني اليا هاك الهضاب=حط قبري بين عنتر وابن عمه زهير

حطني في مقبرة عبس مروين الحراب=حطني بااعلا علم عبس مروين الشطير

وان عسرك الوقت نطلع ونرجع للتراب=ويارث الارواح الأ له الاول والاخير

اول الدنيا طرب واوسط الدنيا عذاب=واخرتها الموت والقبر وحساب عسير

ياجزيل الملك يا كافل رزق النياب=يا الاهي من عذابك برحمتك استجير





ثم قال الشاعر هواش السليمي هذه مجاراه لقصيدة الشاعر عيد مربح

ياعسى جابـات عيدالرشيـدي تستجـاب=ياالعظيم المعتلـي ياالسميـع وياالبصيـر

ياعساها للحيـا مدهـل النـوق العـراب=مع منازل مالهـا دون ضيـف الله خفيـر

بعدها ماباس حر ٍ زعل وابـلا وصـاب=يوم عبر صار الأول علـى كـل تعبيـر

وان سمعت المغتري حل بالحال اضطراب=والفقير اللي مـن الـدم والغيـره فقيـر

ضاق بالي لين بالجسـم ضاقـن الثيـاب=يوم قالوا وافـي البـاع للقاصـر أسيـر

ولاتكذب لو صياحـه يخـاف الإنقـلاب=ويمكن الأيام عنـت لـه الخيـل العذيـر

والترفع عن بعض مايكـون مـن الأداب=ومن تخير عن وطنكم وطن عنه استخيـر

يارشيدي راجع العقـل وارجـع للكتـاب=ماصفت بقعاء لغيـرك رحاهـا يستديـر

والتظجر ياجمـل للجمـال مـن العيـاب=مايجوز أخبرك وأنته خبير أكبـر خبيـر

يعطي الله كل صابر على صبـره ثـواب=واحد معطاه يجبـر بـه العظـم الكسيـر

يالأديب أنته مجرب خسـاره واكتسـاب=داري إنك مطلع ما أنت بالمعنـى غريـر

والسلام ختـام ياعيـد مربـح والحـزاب=والصقاره خذلها دمت طير وخـل طيـر

واحذر والعنقـاء تراهـا تشبـه بالعقـاب=زومها واجد وخرقـا يروعهـا الصفيـر

واكثر الخلان داري سراب بـلا شـراب=مار أنا جارك تبينـي كمـي والا مغيـر

ماتعذر عنك لو هو ذهـاب بغيـر ايـاب=مانـذل الـذل ماطـول العمـر القصيـر



نمسي ونصبح بيـن وده وهاتـه = من عاش مندب بشكواه ومنـدوب
الحـب ياحـي جهـل واجبـاته = عـذري ولابـه للمحبيـن ذاروب
وحي بـلا حـب شقيـه حياتـه = يعيش طوب وتنتهي مدته طـوب
من حـب وراه الدهـر معجزاتـه = مجنون ليلى راح يمشي بلا ثـوب
خله ينوح النـوح هـذي طراتـه = معطيه محبوبه من الناس عرقوب
يالله ياحام الحـرام مـن غزاتـه = في جاه مانزلت وأليـك منسـوب
تجبر صواب اللـي تكـدر مباتـه = من ولعته منفي ومجفي و مصيوب
ليته وصف لي يوم وصلت وصات =هوالنصر من وهاب للعبد ماهـوب
حتى أتصرف بالخبر عـن فواتـه = بأسلوب والا غال الارواح مجلوب
ينشد وأنصـي كـل فـج كفاتـه = بر وبحر حق وفريضه وماجـوب
وأكتب لرواد الفضا عـن صفاتـه = ونبي نجند له بالاسباب مجـذوب
لازم يجي فس سيتـه وأحسناتـه = بالطيب والاحبل الاكراه مكـروب
وأن كان مانقـدر نجيبـه بذاتـه = جينا وجبنا ثوب يوسف ليعقـوب






أسمـع كفـاك الله شرالمصايـب = كـلام أديـبٍ مذهباتـه أذهوبـه
اللي مضالي عن هوى البيض تايب = وجددت لله عن هوى البيض توبه
وجتني من الخفرات شقرا ذوايب = تشيل بيـرق ماتبطـل حروبـه
وهللت وأبديت الفعول العجايـب = لين أدبرت معيه وهبـت هبوبـه
وقلت ارحموا ياقوم مدري قرايب = ياعنبرٍ من بنـدر الهنـد جوبـه
قالت لاوالله مارحمك وأنت شايب = الشيب عند البيض كثرت اعيوبه
ويالله يامـذري نسيـم الهبايـب = ياخالقٍ عبـده وغافـر أذنوبـه
أنك تعرضها لغصـن النشايـب = وان تخلص خاطري مـن نشوبـه
تحطها بحبـال خطـو القلايـب = تغتربـه ولا عليـه مغصـوبـه
مشوه الصـورة قبـح الذهايـب = منقربجسمه يشكي الضيـم ثوبـه
دايم معرضها الجفـا والطلايـب = وأن قالت اعتقني تنفـخ ذروبـه




وهنا قصائد أخرى مقتطفه من منتدى لأمير خالد الفيصل


ويقول هواش:
سلام من صادق لكل الأصــــــــاديق.................عداد ماهلت قنوف المـــــــــــــزوني
ياعزوتي عون الصويتي لــــــيا عيق...............صبري تعدى قدرتي فاعـــــــذروني
افتر قلبي لـــــــــون فر المـــــزاويق................من قاف شـــــاعر من كنود مغبوني
عوايد الدنياء تضيم المطالـــــــــــيق ....................تقلبـــــــهم الدنيا على كل لـــــــــوني
ولا كل عبدالله يجي عبد صـــــــديق..................ولاينوخذ غيب الدهر بالضنـــــــوني
وشكواك للرحمن رب المخـــــــاليق..................واحــــد بعونه كل كايد يهـــــــــــوني
الواحد العالي متين المــــــــــــواثيق................رحمن والا الناس مايـــــــــــرحموني
الناس لو صلوا صــــــلاة التشاريق....................ضـــــد الضعيف ومع قـــوب الردوني
وأنته شرهت أني ورا الصايح آويق...................وأنا يـــابن قبل أمس ناشــــــب بشوني
تفرقت بالعبد سبل الطــــــــــواريق....................وأشوف ضول وله رجــــــاجيل دوني
والله لـــــــــــو يجديك دمي ليا سيق...................لبيع لك دمي على أول زبــــــــــــوني
حـــربي ماني صافطك للبق والبيق....................وإلا فنونك تختلف عن فنـــــــــــــوني
والطيــب سندا والردى له عشاشيق....................وكلٍ ورا ورى خاله يسوق الضعوني
ياللــــي على كسب المدايح مشافيق ................إليا تنـــــادوا بينــــــــهم بالديـــــــوني
هيــــض عليه من طويل الشواهيق......................ذيب على الهجعه يجـــــر اللحــــــوني
يجـــــــوز لحقه من زمانه ملاحيق.....................وقلبــــــــــي لجيعان الذيــــــابه حنوني
يـــــــــــــاذيب خيلك زمانك تفافيق.................واومـــــــابك أوماي الهوا بالغصــوني
اسمــــع عسها بالسعد والتوافــــيق................حـــــدود قدره والمــــــقدر يكــــــوني
جنب عن اللقلق وخص العمـــاليق.....................أهــــــل القدايم من قــــــديم القـــروني
أنصاء الجمال اللي تشيل المعاليق....................شيب الغوارب ناسعات المتـــــــــوني
والا الردي يلذب مثل لذبة الــريق .......................بالمـــــــاقف اللي به تغيب الذهـــوني
والدور جود للحــــــرار المسابيق........................وحــــرم على سرحان لحم الجنــــوني

الله يرحم الشاعر هواش

معلومات رائعة ومتكاملة قدمتها لنا أخوي الوايلي

الله يجزاك خير

سلمت يداك

مشكووووووور

كــُـن بـخيـر أخـي

الـفارس

أبو عبدالعزيز

الوايلي كفيت ووفيت

نقل رائع ممتاز

دائما مبدع

اشكرك على ماتبذله من جهوود

مشكور
ويعطيك العافيه

شكراااااااااا أخوي