أوزان القلطه المشهوره

بسم الله الرحمن الرحيم السلام عليكم ورحمة الله وبركاته بعد غيابا طويل عن هذا المنتدا الرائع حبيت اقدم لكم هذا الموضوع ونشاء الله يحوز ع رضاكم ويكون نافع للجميع والمعذره والله المنتدا دائم ع البال لكن الدراسه اشغلتني عنه اوزان للقلطه المشهوره. 1- البحر الطويل .... لويحان يقول فيه. 1- هاضني مرقاب عديت في عالي فروعه عصر والشمس حيه ............................ ساقني سايق الاقدار لين الساق عدا براسه من عذابي 2- أه واعبرتٍ كنيتها ما أبديتها في حشا روحي خفيه ........................ مثل عبرة يتيمٍ ينزرونه نزر والنزر هضام الشبابي 2- الحنيفي ( نسبة الى مبتدع هذه التسميه. شاعر يدعي ( بحنيف) أوالحنيفي لقبه 1- من صافي النيه... سلام رديه ........... والملعبه صافيه والليل قافيها 2- من خاطرٍ صافي.. حييت يا سنافي ................ز والملعبه شدها لياك ترخيها 3- المربوع المكسور يقول سليمان بن شريم. 1- والله اني فوقهم كني على مزعافي...مهرةٍ لعابه ............ لي ثلاث سنين يا صقران هذا حوفي .. بندقي مشعابي 2- انت يا راعي الغنم قد شافك الشوافي.. جوكم النهابه ............................. يوم تمشي بالجبال السمر كنك عوفي.. للغنم حلابي 4- اللويحاني .. كقول لويحان 1- ألا يا مال فرقا العين الا يا مال فرقا العين .......... يا بعد الفرق بين الناس يا خلاق يا كافي 2- خطاه الزول صورة يحسب الجمعه ضحا الاثنين ......... يغر الاجنبي زوله وفي ملبوسه الضافي 5- القصير.. 1- يا سلامي على كل الرجال ................. ردةٍ خاطري غنابها 2- هبت اريحها شرق وشمال ............... والمعاني حسبت احسابها 6- المعوســــر (( العسيـــر ) قول مرشد البذالي 1- بدا.. منهو حدا.. بالقيل .. وان تيه العجفاوي ...... ولا.. منى على .. الاصحاب.. نفسٍ تجي دونيه 2- عدا.. ذيب الندا.. في ليل.. مير احترس يالشاوي ..... ملا.. الناب العلا.. ون صاب.. ياخذ لحمته نيه 3- غدا.. قولواكدا.. ما قيل .. سبعٍ طمع به واوي ....... ولا..قولوابلا.. شر شاب.. تطمع به الحنديه 7- المخو مــــــس 1- سلام والسلام مني والليله الملعب ينادي الليله الليله لعبنا ما هبلك يا قلب الشرودي تحية وفا يا فاهمين التماثيل 2- يا ناقلين الطرق عني من جنب الطاروق غادي ان قالو العالم تعبنا أنا قويا تن عضودي تعاليل يا هل اللعب هذي تعاليل 8- المســـــودس قول مرشد البذالي 1- اسمعو وافهمو رد الكلام يا سلامي على اللي يفهمون اقوال من قدم شريف الكلام بلا جزا شاقه الولم.. واغرم يوم جابنه مطاليب حاجات الرفيق من عناله وجب حقه وصار 2- ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتــــزا ثابت العلم.. وأفكر لين تدري طلب قوم والا انه صديق لاتسرع بتنفيذ المغار 9- المنكــــوس 1- سلام رديه.. لها راس وعيون... سلام رديه 2- الليله الليله .. بها أشكال وألوان.. الليله الليله رده ومثنيه.. على اللي يغنون.. رده ومثنيه كلن وتحليله.. الى كان ماكان.. كلن وتحليله 10- المثــــــومن 1- وصلنا سلامك.. ونفهم كلامك تبي تركب البرج والبرج عالي ترفق وخل المشي يا رجل بالهون لقيتك لقيتك.. وأناما نسيتك تصلي الفروض وتبوق القرايب توضيت والا مصلي ما توضيت 2- تضلل علينا .. وحنا درينا قيل لاتكمل ثمان الليالي تصلون ولا يالربع ما تصلون عصيت القرابه.. نويت الحرابه ماهو نا فعك لو يقولون تايب تقهويت ولا عندنا ما تقهويت 11- المــــربوط (( ربط بكلمة مكرره كقولهم.. (( والعالم الله )) 1- يا سلامي عليكم كل سموا قبيله ................... قلتها من صميم الجاش والعالم الله 2- وين راح القبيل اللي ينومس قبيله .................. ما ربطنا عليها شاش والعالم الله وهذا نظم أخر مربوط ايضا.. حيث تكرر جملة (( المعني على سطح القمر)) 1- يا شاعر الميدان لوتنخا فلا تلقا نصيـــر ................ ادخل ولك مظهار والمعنى على سطح القمر 2- ترى الجمل عيبٍ عليه رغاه من عقب الهد يــــر .................. خذلك بها مشوار والمعنى على سطح القمر منقووووووووووووووووووووووول للاستفاده

الله يسلمك على هذا الموضوع المستفاد منه

والله يوفقك في دراستك وهذا منتدى قبيلتكم

خلك قريب منه

كل الشكر

حياك الله ابن واصل العزيزي

طرح مفيد ورايع

وسعداء بتواجدك ونتمنى لك التوفيق في حايتك العلميه

تقبل تحيات اخوك الليث

بيض الله وجهك موضوع في غاية الأهمية للشعراء

محمد الذيب
الليث

سمو الذات
بيض الله وجيهكم والله لا يهينكم

على المرووووووورررررررر

سلمت اناملك اخي الغالي على الطرح الراقي والمفيد

العزيزي االمغترب
الله لايهينك
شكرا ع المرور