بلاك بيري

يابلاك بيري نكــبت عيال خلق الله
يالين وصلو مراحــل حب ودماني

كل(ن)مشغل جهازة ينتظر خــــله
يجلس يراسل طوال الليل سهراني

يرسل على صاحبه وفلان يرســله
ورسايل الاول اتعود على الــــثاني

يرســــل على واحد(ن)مايعرفه لله
صحبه بلا معرفه وبدون عــنواني

نفس الــــــــكلام ايتكرر ماله ادله
سوالف(ن)مالــها معنى وبرهاني

البن والبنق واللسته من الشــــله
اســــما غريبه ويا ربي لا تبلاني

من عقب كانت مجالسهم على الفله
ماعاد تلقا علوم اطوال الايـــــماني

شـــباب وعقولهم بلحيل مخـــــتله
وهذي تراها مصايب تالي الازماني

وتم الكـــلام وكتــــــبته دقه وجــله
ابــــيات سويــــتها والهرج مجاني

عايض ابن نور العزيزي