والله إنـه مــا يـعـل الكبد ويزيد المرار

الله أكبر يالزمان اللي تحدوى كيف صـار
الزمان اللي تحدوى مثل حـدواي المطيـة

والله إنه مايجنّـب عــــــن مقاديـم الفقـار
حط له في كل موقـــع كيّـةٍ وأدمـى دميّـه

كـل ماقلنــــــــــا تعـدّى راح لفّـه وأستـدار
ما خذن جهـــده علينـا ماسمعنـا الاّ دويّـه

أتخيّـل وأتفكّـر فـــــــــي مصانيـع القـرار
كيف نعمل في سنينن كلها عقـرب وحيـه

والله إنـه مــا يـعــــــل الكبد ويزيد المرار
كود رجالٍ يسولف بالحكــــــــا والاّ الردية

شلّة الحكي المركب جعلها قصف العمـار
شلّةٍ تبغى المدايـح واللحـون السامريـة

حيّةٍ في جنب حيّة مـــن يمين ومـن يسـار
والله إنــه مايجمّـل والسمـي يلقـى سميّـه

يوم بعض الناس عند الناس كنّه مستشـار
وإن بغيته للوازم طافــــيٍ وأطفـى ضويّـه

ما حلى قول الحقايق ما حلى علم الوقـار
كلها عند الرجال اللــــي يعرفـون الحميّـه

نامي يالسود نامــــــي راحـت أيـام الشنـار
راحت أيام (ن) نشوف الصيد فيد بوارديه

ياطيور الجو طيري بادي(ن) وجه النهـار
الليالـي درّستنـــــــا والسنيـن الجرهـديـه



شعر:علي بن نوار الرفاعي الغامدي