يا احمد ترى سود الليالي كوتني

ابيات اضعها بين يديكم لعلها تحوز على اعجابكم وهي موجهه لبني احمد

ياأحمد ترى سود الليالـي كوتنـي=كي الدلال المنحـرات المباهيـر
على غضاء جمرن وفي كل حتني=تدف فوق الجمر من غيـر تدبيـر
ضحك علي الي بكذبـه شمتنـي=يقول نايف صايرن منـه تقصيـر
والهرجه الي في قفاي اوجعتنـي=في الكبد تؤلم مثل دق المساميـر
لو انها مـن جاهلـن ماشحنتنـي=لاكنها جت من كبـار ومشاهيـر
اكـلاب تنبـح بـس ماخوفتنـي=اكبها تنبـح وانـا عابـر السيـر
وانـا زبـون الكايـده ماتعبتنـي=يامـا فزعنـا للقرابـات والغيـر
ونصا المراجل والمراجل نصتني=ذي عادتي يابوك من يوم انا صغير
والحمل شلتـه يالحليـوي بمتنـي=يوم ان تعـذر كانزيـن الدنانيـر