آعْشَـَـَـَقْ آلـصَمْتْ /و يَـَـَسْتَهْوٍيـنٍـيْ آإلُهُدُوُءْ؛ الح ـب حاكَِم ـني

سبحان من يرزق بتوع الملايين
.............................الرازق الي ما يخيب الرجابه
لي عم عنده معرضاً لصوالين
.............................اموت واعرف بس من وين جابه
واذا سئلته قال بعت الدكاكين
...........................مايدري اني ما هضمت الاجابه
الحاصل اني رحت قبل يومين
..............................في قصره العامر ودقيت بابه
قلت الصراحه طالب"قرب غالين
..............................ودي تزوجني كريمتك ياابه
قلنا وقال اهلين والله وسهلين
.............................والكون ترخص لجل عينك رقابه
قال اولا مهر العروسه ثمانين
..........................غير الرسوم وغير حق العصابه
والثانيه عمك يبي منك سبعين
...........................رسم الابوه والنسب والقرااابه
وام العرووسه حقها منك ستين
...........................عشانها ست الحسن والمهابه
واخوانها كلن يبي منك خمسين
...........................عدا" ونقدا "تندرج في حسابه
وخواتها الخمس عطهم من ثلاثين
..........................عشان تتوثق عروق النسابه
وتجيب طقم عيار واحد وعشرين
.........................وخاتم من الماس مصفا ترابه
وموتر بسواقه وفله بدروورين
.............................واثااثها من بطرته ينحكابه
واحجز لنا قاعه بقصر السلاطين
............................وحجز بها رقاصتين وبربابه
كلت اذكر الله ياعدو المساكين
........................واستغفره لايبتليك بعذابه
الظاهر انك منت عارف انا مين
..........................انا لو ارقى فوق متن السحابه
ما جبت حتى نص درزن مواعين
.............................واضحك بكيفك واعتبرها دعابه
قال انت لو فكرت تفكير صاحين
...........................ماشفت في مجمل ظروفي غرابه
حن بعصر العولمه والمزايين
..............................مابهو بعصر الفلسفه والخطابه
الناس تسعى لرتب والنشااين
...............................وانت اهتمامك بالشعر والكتابه
والشعر ما يفنعك لو هو دواوين
................................مادام جيبك مثل بيت الخرابه
يابوك لا تسمع كلام المصاخين
...............................واسئل مجرب عاش في وسط غابه
قلت الله اكبر يامحرر فلسطين
..............................من يسمعك يحسبك ذيب الذيااابه
تراك شايب راس مالك رياالين
.............................والبنت ما تسوى جناح الذبابه
قال انقلع مالت على وجهك الشين
..............................ولعاد اشوفك عندنا ياالزلابه
قلت ابشر ابشر لاكن الباب من وين
.............................واقفيت من عنده على صوت باابه
سبحان من يرزق بتوع الملايين
..............................الرازق الي ما يخيب الرجا به