قصيدة الشيخ حمد بن فهد العقيلي المطيري

هذه القصيده لشيخ حمد بن فهد العقيلي المطيري وذالك لذهاب ابنه عائش
الى خدمة الوطن بالمجال العسكري وهو يشكي حال فرا ق ابنه
واتنمى لكم طيب المتابعه



يالله يامحيي القشـع عقـب الاخمـاد***إنـك توفـق شـوق صافـي الجبيـنـي


مشوه للتدريب مـن عـرض الافـراد***وانــا بـعـد ممـشـاه قلـبـي حزيـنـي


وداعــة الله لـجـل يـرجـع بمـعـواد***ليـا مـن ربـي يسـر امــره يجيـنـي


لا والله الا روحــوا عـايـش ابـعــاد***اللـي يجيـب إلنـا الفـروق السمينـي


ماشـي علـى ممشـاي يـوم الله أراد***يرمي بها فـي القـدر ذرف اليمينـي


ماقـوم ليـن يقـول عان العشـاء جـاد***وألـقــى نـواديـهـا بـهـبـر مـتـيـنـي


ماهـو ربـاديٍ شحـوح علـى الــزاد***هــذاك هـــذار المـجـالـس لعـيـنـي


حتيـش لـو انـه ملـك ســوق بـغـداد***مـن ضيقـة الخطـار بطـنـه بديـنـي


وراك ماترمـيـه يـاغــض الانـهــاد***تلقى العـوض غيـره بربـع وثمينـي


طشه بمعلوقـه علـى روس الاشهـاد***الـــلاش مايـقـنـاه قــلــبٍ فـطـيـنـي


تلقين غيره رجل من ذخر الاجـواد***قـــدام لايـأثـّـر عـلـيــك الجـنـيـنـي


سـوي بـه النكـره ووريـه الازهــاد***تـــراه لا دنــيــا ولافــيــه ديــنــي


هجـي هجيـجٍ صـدق مافيـه مـعـواد***خليـه مسـرى والـعـرب ممرحيـنـي


والله مبا في السوق ياحجاب مقعـاد***ابــا انـطـح الـبـران والله عـويـنـي


ماغير كني رود من عرض الارواد***وامــك مابيـهـا بالـغـداء تحتسيـنـي


يازيـن شـرب الكيـف دلــه وبــراد***في ارض خلى فيه ام صالـح تبينـي


مـع السمـاء تاخـذ ميـة متـر مسنـاد***نـوجٍ صفيـر ونــوج مـثـل الونيـنـي


في حاجـرٍ جايـه مـن الوسـم رعـاد***أخضـر بعـد غيـم علـيـه الغشيـنـي


وعـنـدي تصاغـيـرٍ تــردد تـــرداد***حـتـى فــواق أم الـحـويـر يـزيـنـي


ومعيه خـويٍ يصفـق الكيـف بزنـاد***مثلـي مـن الريجيـل وايضـا سنينـي



ليا زدت له في الهرجه المثمره زاد***يـقــرر الـهـرجـه بـعـقـلٍ رزيـنــي