۞ ابوي عزّي وانا لا جيت عزّله : ماهي بكلمة ضعيفِ مايثمنها ۞

إليكم هذه القصيده الرائعه وهي من اقرب القصائد لقلبي
وصح لسان شاعرها


سلّم على اللي عطاني شي مايعطى
الشايب اللي رهنت العمر له كلّه
هو تاج راسي وهو ساسي ونبراسي
وهو بعد ظل الله اللي ظلني ظلّه
من غيره اللي يقدمني على نفسه
ويرفى خمالي ويدمح عنّي الزلّه
سلّم عليه اربعه مليون تسليمه
وقلّه يا هوجاس قلبي بعدها قلّه
يلعنّي الله وتلعنّي ملائكته
ان كان عمري ما سقته كلّه ارضا لّه
اكبرها نطحة عدوٍ يبغي الضدّه
واصغرها لو انفعه في صبّة الدلّه
نذرٍ علي ماافتخر فيها ولا اجامل
ابوي عزّي وانا لا جيت عزّله
ما هي بكلمة ضعيفٍ ما يثمنها
والهرج كلٍ يبيه ان جاء على حلّه
انا لبوي اثقل من طويق وجباله
واسرع من البرق لا من جاء لزوم لّه
بالله وشني بعد حيٍ على شانه
ان مانفعته خساره اطلع ابن لّه
انا معه فاول الدنيا وتاليها
وماني بناسي كلامه لا حشا لله