..... العيـــد ...

أعضاء منتدى بني عزيز

مساءكم شعر

.

.

.

ان جيـت يـا عيـد صفّقنـا وغنيّنـا

وانْ رحت ياعيد مانحـزن ولا نشـره

ياعيـد: ياجـرح يقتلـنـا ويحييـنـا

(اظنيت قلب الفتى حتى انحنى ظهـره)

ياعيد : بحر الفرح ماكان لـه مينـا..

وش فيك ياعيد حديّته علـى صخـرة؟

ياعيد : كان السحـاب يغسّـل ايدينـا

واليوم يـا عيـد مايحمـل ولاقطـرة!

ياعيد : كـان الشتـا يدفـى بأغانينـا

واليوم مايدفي اضلاعه سوى العبـرة

ياعيـد عشنـا طفولتـنـا بلياليـنـا

طفولة الحـب يـوم الله كتـب عمـره

طفـلٍ وطفـلـه تغازلـنـا امانيـنـا

( قلوبنـا بيـض لا تحقـد ولا تكـره)

لا حِسْد لا زيف لا كـذبٍ نبـت فينـا

نقـول :لا,للشتات.ونحفـظ العـشـرة

صغـار واحبـاب والدنـيـا تمنّيـنـا

(ومن الجهالة تمنيّنا نصيـر اسـرة)!!

طفلٍ وطفله وفـي كـم عـام شبيّنـا

وشبّت بنا احلامنا اللي جت على الفطره

وياليتنـا ماكبـرنـا يــوم حبّيـنـا

ياليت من حبّ ما يستعجلـه عمـره!

حـلّ الفراق-ودعيـنـا الله يدنيـنـا

من بعضنا البعض رغم البعد والهجـرة

رغـم القيـود اللـي ألتفّـت حوالينـا

اللي فرضها علينـا النـاس والقـدرة

يـاقــدرة الله والله ماتنـاسـيـنـا

الحـب تـوّه غريـر وليّـنٍ ظفـره!

الله ياعيـد يومـن كنـت تلفينـا....

((وقت الطفوله) بثوب العيـد والغتـره

كنت اجمل من الهـدوم اللـي تغطّينـا

واحلى من السكّر اللي يغمـر السفـره

وازكى من النفحة اللـي فـي ايادينـا

واطيب من الطيب والريحان والزهـرة

ياعيـد لـو جيـت لا تنسـى تعزّينـا

في موت حلمٍ محاه الوقت من صُغـره

حلـمٍ توفـى وهـو يبكـي وينعينـا

بكى نهار النوى حتى انفجـر صـدره!

ولونـا ضحكنـا وجاملنـا اهاليـنـا

(نضحك ونمزح وكلٍ داخلـه جمـره)

ياعيد لا تخدعـك ضجـة تهانينـا...

(حنّا نهنّي عشان النـاس ماتشـره!)

الحدث-فلانة ستتزوج!

يوم العيد من كل عام-هو تاريخ وفاة الحلم الأطهر
-----------
الآن:
انا:لازلت اضع الورد على قبر الحلم كلما اقبل العيد.وحيدا إلا من حزني.





الشاعر / عبدالله عطيه الزهراني