زمان الحضاره جوال و زقاره

يسعد صباحكم مع مساكم بكل خير

اعجبتني القصيده واتمنى ينال اعجابكم ..

الاولى بعنوان (( زمــان الحـضـــاره )) وهي في فئه معينه من الناس..


البـــارحه في ليــل مظلم خــــــــــلاوي

جالس افكر في زمـــــــــان الحظـــاره

حظــــارتــن شفـــنا معــاها البــــلاووي

دمــار والمــــــــوضــه سبايب دمــــاره

فيــــــه البنــــــات يحاربنّ الغطـــاووي

بـضيــق العبــاة اللي تضــايــق زراره

تمشــي تـخـمـع في مـجـسم رهـاوي

يـــدا" بها جـــــــــوال ويـــدا" زقــــاره

اصبـــح لهــن مجلاس عنــد القهـــاوي

ياخــوفي من بكـــــرا يردن سكـــارى

اصبح ضروووري بالمحبه تخـــاوي

وش هالزمــان اللي غريبــن مسـاره

اما الشباب اللي تطووول الحـــكاوي

اللي ضيااااعه صايرن من شعـــــاره

البعــــض منهم للمشاكل غــــوااوي

اللي طمووحه في حياته دشاااااره

ابـــوه يشكـــي ماتــفيــد الشكاوي

من كثر سجنه صـــاير السجن داره

والبعض منهم في حياته هـــــواوي

يعزف وتشكي من عزووفه اوتاره

يرقص على موضي حياته غنـــاوي

سهران كل ليــلــه ونايم نهــــــاره

يسحب على ساره ويصاحب مضاوي

وتزعل مضاوي ثم رجعلك يا ســـاره

في دنــيته عايش وعاشــق وهـاوي

كـــل الحـــرام وكـــل دربــــن دعــــاره

هذي حياتـــه ياحيـــاة الشقـــــــاوي

ياكثـــر من مثـــله حيـاتـه خســــاااره

متجنبــن اهل الذمــــم و اللحــاااااوي

المسلــم اللي لحيته هي وقـــااااره

ماكنت نـــاوي والله ماكنت نــــــاوي

بس الحــــراره يالهــــيــب الـحــراره

مانــي بقــاوي بس مانـــي بقــااوي

افصّـــل الواقــــع بثـــوب الطــهــاره

يالله ستــــرك من زمــان البـــــلاوي

يالله تســـتر من زمـــان الحـــظاااره


وسلامتكم

=====================


القصيده الثانيه بعنواااان ( معنـى الحـــب )




(الــو هـــلا يامــرحـبــا كـيــف حــالـك ؟

ويـنـك حيـاتي ؟ من دقايـق رجـعــنـا )

نـفــس الحـكـي وتـكـرره بأتـصــالك

يعـنـي بـنـتـيـجـه للأسـف ماطـلـعـنا

مليت وشلـونك ؟ حـفـظـتـه سؤالك

يكـفـي اخـذنا مـن الكـلام وشبعـنـــا

لا تـحـرمـيـن الــي يـحـبـك وصــالك

ودي اضـمــك لـيـن يـطـفـي ولـعـنـا

ودي بـجـلـسـه ياحـيـاتــي قـبــالك

حتى يصير لـكـلـمـة الـحـب مـعـنـى

مليت اصــوّر فـي خـيـالي جـمـالك

ولـغـيـر شوفــك يالـغـلا مـاطـمـعـنـا

تــرا الـوصـل يشفي قـلـوبـن تهالك

والـبعـد لــوعـه من عـذابـه جـرعـنا

يـرتــاح بـالـي وانـت يـرتـاح بـــالك

يامـن جلسنا جـلـستـن واجـتـمـعـنا

خلي سوالـف .. مـرحـبا ..وكيف حالك ؟

وخلـي سـوالـف بـه طـلـعنا ورجعـنـا

يالله تـعـالـي دام قـلـبـي صـفـالك

حتــى يـصـيـر لـكـمـة الحـب معـنى


وسلامتكم