فصل الخريــــف

انا ماني بقاصر لا وقف صدر القصيد ابـ آق=بتبقى لي كذا والا يوقف قافيتها اوق
يفوق القاف من عقب اختناق وطارقه ما فاق=يفوق ويستفيق وزرقته مع شهقة المخنوق
تعلق فالخفوق معلقااتن مالها معلاق=تعلق في خفوقن ماتبقا به ولا معلوق
حقيقه والحقيقه زلقوها رفقة الزلاااق=توافيقن توافق في طريقي من شقاي تفوق
تفوقه والعقاب ان ساقها مع فرقها منعاق=تعوقه والحق اللي قد بقا واقفا يسوق العوق
والا ياصاحبي فصل الخريف يسقَط الاوراق=يعري شجرتن فالصيف ظل وفالفصون عذوق
كذا والا كذا والا كلام الحق ماينطاق=اذا وجه الحقيقه كل يوم نحط فيه شقوق
دخيلك روح لا تسأل عن اللي داخل الاعماق=انا ما عدت انا واللي بها الصندوق فالصندوق
فدا لم العيون اللي مطوق جفنها بطواق=عليها من جمال الحور شي يكذب المطوق
يقولون العرب في ليلة البارح سرا براق=وانا اقول السحاب ردونها ولمع الثمان بروق
قسم بالله قبله ما عرفت الحب والاشواق=وقسم بالله قبله ما عرف معنى الوله والشوق
مصيبه لا عشقت انسان سارق في زمن سراق=والاعظم من كذا لاصرت تدري بانك المسروق
الا ياليت شعري والحق اللي من سنسني باق=واقول اللي مضى لي قد مضى واللي بقا ملحوق