يقولون

يقـــــــولون خل الحب ورتاح يا بن نـــــور
مايدرون عن تعذيــــــبه وكيـــــف لوعاته
يقولون خلـــــه منت له ياولد مجــــــــبور
يقـــــــــــــولونه وكل(ن) على قد نـــــياته
يحسبونها ضحك وتسلي مع الجمـــــهور
ويضحك على العاشق من الناس شماته
لكن اســـــــــال مجرب والا تسال الدكتور
ودكــــــــــــتور ما جرب ما نبغا علاجاته
خذو خبرت اللي صار يمشي بدون شعور
ونايلسات قلبه مختبص مع عربســـــاته
قضا العـــمر عاشق والفلك والليال تدور
يا لين انفــــــــــــصل مخه ودقت فيوزاته
مشينا على بحر الهوا في اول الطـــابور
عسا الله يســــــــــتر وشهي اخر نهاياته
على الهون وسط البحر يا سايق البابور
ترا البــــــــــحر مايرحم ويامكثر امواته
يجيك الهواوي منجرف كنه المســــحور
يحاول بكتمه بس تظـــــــــــــهر علاماته
يحاول مايكشـــــف للبشر سره المستور
لكن نون عينه يفضح ايهل عـــــــــبراته
لو انه ضحك للناس واظهر فرح وسرور
تراها كذب لو شفت منه ابتســــــــــاماته
وفي اختامها يا ليت قلبي يطيع الشـــــور
لكنه مصــــــــــــــــــمل ما يخلي حراكاته

عايض ابن نور العزيزي