تدري وش اللي يصدم الرجال في بعض اخوياه..

مــــــن أجمل القصــــــــــــــــــــــــائد واجمل ما قال


سعــــــــــــــد بن جدلان الأكلبي


تدري وش اللي يصدم الرجال؟؟؟






تدري وش اللي يصدم الرجال في بعض اخوياه
وجودهم في النايبات الملزمـه مثـل عدمـه
وتدري وش اللي يقهر الرجال ويبيـن خفـاه
اليا بغى المحـزم ولا عيـن ذخايـر محزمـه
ما غير ربعٍ ينقلون الحمل جعل أمحـق حيـاه
أمحق حياة توجع الرجـال غصـب وتلزمـه
وين الرفيق اللي إليا أبطى صاحبه يومين جاه
يفرح اليا شافه وياقـف لاتضايـق وزهمـه
لايارفيقي والرفيق إليـا خطـا يدمـح خطـاه
ماهو يدور زلـه الصاحـب وعثـرات قدمـه
ياصاحبي والطيب لاهل الطيب مايخفـى نبـاه
الطيب للطيب بلـد محكـوم والذكـر علمـه
وش لي برفقة واحدٍ لاحتجـت لقانـي قفـاه
بلسانه أبشر باالسعد عونك.. وبا الفعل رخمه