مطالب وديان

شكوى الجرح=
شعرالضافر=
مرت وأنا في سابحات التفاكير= قالت علامك ماترد السلامي
قلت العذر يا ست كل الغنادير= اللي حصل له موقفي مايلامي
وقامت تخاطبني برقه وتعبير= قالت عسى ما نته صويب الغرامي
وخلك لعوب وابتلتك المقادير= ولا مغير طبعه اهل النمامي
قلت ابعدي لاتقربين المحاذير= خلي سكن بين اللحم والعظامي
يجود لي بالوصل ما فيه تقصير=دأيم جيني في لذيذ المنامي
يشكي هموماً زادت الجو تعكير= ونار الهوى في الجوف لها اضطرامي
واقول لاتيئس ترى مقبل الخيير= ونودع الفرقى ونرجع ليامي
واحكي لها قصة طميه بتفسير =يوم انها حالت من الشرق شامي
تتبع هواء المحبوب ما هابت السير= ولا همها اللي ينقلون الكلامي
وتضحك بثغر مثل فجر التباشير= كيف الهوى شد الجبال القطامي
ووادعه في الحلم بأحلى تعابير =وأشيل قلب مزقته السهامي
قالت خذ علومي بدّق التصاوير= واحكم من اللي صايبه جرح طامي
أنا على كبدي مثل صالي الكير =الموت شال اللي رفيع المقامي
صباح يوم العيد للناس تكبير =غابت وصوفه في قبورالظلامي
وجاني الخبر وأنا اتحرى المسايير= يجي يعايدنا مثل كل عامي
ورميت ثوب العيد في جمة البير= اللي على جاله وردنا ضوامي
وبعد لبست اغلى الحلق والأساوير= فسختها وأصيح مال الرحامي
وعزيت فيه أهله واكن التحاسير= على فقيد بعد شهر الصيامي
عليه هلت غاليات المحاجير= وحلفت ياغيره عليه حرامي
ولو لاالحياء واخاف تبدي الأسارير= لحط من قبره مزار ومقامي
لاصارخلك ينرجي صبح وعصير= ولالبسوه من الكفن ثوب خامي
ان غاب يرسل لك بعجل المعاذير= وليا حضر يروي العروق الضوامي
أنا وليفي تحت نصب مجادير= ما ينرجي شوفه ويقضي مرامي
لاساليه نفسي ولاعنه تصبير= ونادي أهلي كلهم بأسم سامي