حب مجنونك..

قصيدة حب مجنونك تعـال إفهـم معانيهــــــا ؛؛
تعال ولاحظ الروعه برسمي روعة فنونــــــــــك ؛؛

تعال لعاشقٍ عانـى وهـو ينظـم قوافيهـــــــا؛؛
كتب قصّه وسماها قصيدة حـب مجنونـــــــــــك؛؛

أبي اعلن حبّك العذري على الدنيا وما فيهــا ؛؛
أبي من لا يعرفونك هنـا فينـي يعرفونـــــــــك؛؛

أبي ارسم صورتك لكن ابي اقصر عند تاليهــا؛؛
أبي من دون لا توضح تقاسيمك يشوفونــــــك ؛؛

تبسّـم بالشفـاه اللّـي تنادينـي واناديـهـــــــا؛؛
وأبي العن خامس أسلاف العواذل لو يعذلونــك؛؛

وأبيك تناظر بعينك علـى عيـنٍ تراعيهـــــــا؛؛
أبي من لا مني لأجلك يشوف الموت بعيونـــــك؛؛

عيونٍ جيت أكحلّها ولكـن خايـف أعميهـــــا؛؛
أخاف أزيد في مدحك يغـارون ويذمّونــــــــك ؛؛

معي روحٍ إذا شفتك شكت قسـوة محانيهـا؛؛
مثل طفلٍ فقد غالي لقـاه بضحكـة سنونــــــك؛؛

تبي تطلع , تبي توصل , تبي تزعل وأهديّها؛؛
أخاف الروح لو تطلع بعد موتـي يعزّونــــــــك؛؛

ما دامي معلنٍ حبّك أجل لا غـرت وشفيهـــــا؛؛
أغار ونص يا عمري .. أجل وشلون مفتونــــك؛؛

تبي غيري يجي يمّك وأنـا داري وأعديّهـا؛؛
عجزت أتخيّل العالم بعد موتـي يواسونـــــك ؛؛

أخاف تتعب لحالك مـن الدنيـا وبلاويهــــــا؛؛
وأخافك تضعف وتقوى عظام اللّي يعادونـك؛؛

حبيبي .. يا بعد راسي هنـا لابـدْ ننهيهــــا؛؛
أبي لامن قروا فكرة حبيبـك مـا يملوّنــــــك؛؛

تبي بالمسـك نختمهـا .. تبسمّلـي بتاليهـــا؛؛
تبسّم دامها تمّـت قصيـدة حـب مجنونـــــــــك؛؛