قصيدة القطاع الخاص

الصبر زيـن ويفـرج الله يادحـام = لو كان صدري من عنا الوقت ضايق
جينا القطاع الخاص يوم اغلق العام = اثر القطاع الخاص ماهـو بلايـق
يوم الخميس ادوام والجمعـه ادوام = بالله قلـي كيـف بصيـر رايــق
لي عنكم اسبوعين واشوفهـا عـام = البعد شب بوسـط قلبـي حرايـق
النوم والله بعـض الاحيـان مانـام = استغفـر الله كـان عـدة دقـايـق
اروح وارجع والحقيقـه والاحـلام = في نضرتي صارن خواتن شقايـق
وهاجوسي الي يستلم عندي الـزام = في موقعه ويصف رجلـي وسايـق
اصبح ملازمني من الغـرب للشـام = يسبح بحـر غبـه وغبـه طبايـق
وطموحي الي خابره هـاك الايـام = الي يحطملـه حصـون وعوايـق
اليوم صدر صك حكمـه بالاعـدام =روح وراسي بـان شيبـه وويـاق
استعرضه جالس كما عرض الافلام = ويصير مالي في حياتـي طرايـق
وجدي على ماسـج فالبـر الاقـدا م = لاراحت الصمـان مثـل الحدايـق
لياجلست وهبـت انـواد الانسـام = ريح النفـل كنـك تذوقـه ذوايـق
واليا وقفـت احـط للنـار مرسـام = واعـد كيفـا للتواصيـف فـايـق
بريتا تقصـع ضـرم كـل ضـرام = وتبعد عماس الي همومـه غلايـق
نطرب ويطرب كل طيب وشغمـام = مع خوتا شروا الرجـال الطلايـق
ارتاح عن صوت الموسيقي والانغام =وابعد عن الـي مدفعـه بالشدايـق
هذا علاج النفس وعـلاج الاوهـام = وصفه من فرات الشعـر بالوثايـق
امـا خذوهـا واكتبوهـا للاعـلام = من شان تنشر مع جميـع الخلايـق
ولا تعودلـي مـع الطيـر مـادام = كـلا تشتـت فالعمـل والعلايق
وختمها صلو علـى سيـد الانـام = الي مشا ديـن الهـدى والحقايـق

اخوكم
فرات الشعر