معــنى ومغنـى

السلام عليكم ورحمة الله وبركاته

صبحكم الله بالخير


في إحدى الفرص السعيدة التي جمعت بيني وبين أحد المتابعين للشاعر علي خلف الهجله .. أمتعني بمحاورة بين علي ونايف العداه .. وكان طاروق مفعم بجزالة المعنى وقوة المفردة والطرافه بدون الخروج من نطاق المعنى .. وأعتقد بأنها قديمه لحيث اني بحثت عن كامل المحاورة ولم أجد لها تسجيل صوتي ..



نايف

ياسلامي عليكم من ضميرن تكانه = مثل علي المطيري شاعر العبدليه
الدركتن يدركن لين ساوى مكانه = في ايسر الوادي اللي فيه بير صريه

علي الهجله

ياهلا مرحبا والعلم ذمة وامانه = بعد نايف عطاني شي ماهوب ليه
تدري ان العمل يحتاج جهد وحصانه = ماينوشه ضعيف العزم والمقدريه

نايف

مايروح الطعم من شجرة البرتكانه = والعشر تحت شمس القيظ مافيه فيه
ماتعب غير هو وواحدن من اخوانه = كل مغرب يقرط فيه عقرب وحيه

علي

حسبي الله على نايف يسوي لعانه = لايهمك تراها كلها في يديه
كل شيٍ تجيبه حنية الخيزرانه = عندنا علم مثبت مانقول الحظيه

نايف

راعي البيت الابيض مادرى اني وزانه = واقفٍ في لزومه مانسيت الحميه
شايبي ماعطاني جرعتن من حنانه = حدني مثل حد السيف في الجاهليه

علي

الصغير صغير ويستحق الحضانه = وان كبر زاد حبه عند ربعه شويه
كل ماقلت وين الدرب قلت لك عانه = والحق القوم ياويلك ياراع الرديه

نايف

شايبي لايراهني ويخسر رهانه = حافظ له مواجيب الخوي مع خويه
تدري انك كبير ومستحق الصيانه = كم مرة ضربت البويه الخارجيه

علي

شفت لي داب في الحره يطلع لسانه = مير انا واقفٍ له بالعصا ماعليه
لاتعاند علي وتروح تمرة لبانه = تدري اننا مواقفنا كبار وجريه

نايف

لو يزعل علي لايزعلون البطانه = يدري اني مااحب النملة الفارسيه
ياوجودي على عودٍ مقفي زمانه = كيف يرجع شباب ويدخل العسكريه