(( وسـ ـ ـع البـ ـ ــال )) محمـد العزيزي

السلام عليكم ورحمة الله
أولا مساكم الله بالخير

و اعتذر منكم ثانيا على الأنقطاع في الفتره الماضيه بسبب ظروف خاصه

وحبيت أقدم جديدي لمنتديات بني عزيز واعضائه

وســ ـ ـع البـــ ـ ـال

حل الوداع ولابقـى شـئ ينقـال=كود استر اللي فات لامنـك اقفيـت
ياقسوة دروبي مشينا علـى الفـال=ماللعتب داعـي وعنهـم تنحيـت
اشواق واحلام و تعابيـر مرسـال=غدت على ماقيل ذكـرى يبالفيـت
اتعبت صدر" صار للحـزن منـزال=جرح يعقب جرح وبيت" ورى بيـت
يعني أذا أحد"خصني بكيف الأحوال؟=يسد الجواب بليتني بس..مأوفيـت
والا الصحيح الحال في اقفاي واقبال=صبح العمى ضلمى حسب اي توقيت
وهنا الشجن من حد جال" ليا جـال=وطبعي ليا خان الزمن... ماتتقيـت
أخفيتها.. من منطلق ((وسع البال))=يومنهـا عـوج الحنايـا توابيـت
تعبت من رتب النصايـح والأمثـال=وأيّست من غي الرجى والتناهيـت
ارهيت لوكان الغلى عهوده جـزال=وبان الخفى ياليتني العام مأرهيـت
كان الرجاء ضيف* المباهير ودلال=ولالد ضيفك في غثى ليت ماجيـت
كانت روابع سوقها اليـوم بريـال=يعنى سوى لن خنـت والا تفانيـت
حتى القلم لاراود الطرس وانهـال=كنه يقـول بعالـي النـزف مليـت
ذنبي عشاني مأقضي العمر بأذلال؟=والا عشاني لا قسى الوقت غنيـت؟
ماينتهي حزني مع القـوس لامـال=لامال وقتي يهتني مطفف الصيـت
واليا بغيت أخفّي اشجـان مأحتـال=حاولـت لكـن يالمقاديـر أزريـت
الله كريم أن خيبـوا عقـد الآمـال=ماعادها بلحية حصل خير أو ليـت
واليا نوينـا ولابقـى شـئ ينقـال=حقي عليك الصبر... لامني أقفيـت

اخوكم
محمــد العــزيزي