أنا أشوووفها قلة أدب ونتم عطوني رايكم

انا اشوفها قلت ادب واتنوا وش رأيكم
السلام عليكم ورحمة الله وبركاته.
قــلــــــــــــــــ أدب ـــــــــــــــــــــة
أنه واحد يقولك سلام عليكم ولا ترد السلام عليه.
قــلــــــــــــــــ أدب ـــــــــــــــــــــة
إنك تروح للمسجد بقميص نوم بينما تروح لربعك بثوب مكوي وطيب يشق الخشم
قــلــــــــــــــــ أدب ـــــــــــــــــــــة
إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك
قــلــــــــــــــــ أدب ـــــــــــــــــــــة
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) (بينما أهلك لويبون مشوار ساعة وحدة قلت : ( الليموزينات واجد )
قــلــــــــــــــــ أدب ـــــــــــــــــــــة
إن اللاعبين والمطربين يكرمون ويغرقون بالخيرات بينما المشايخ محد درى عنهم
قــلــــــــــــــــ أدب ـــــــــــــــــــــة
إن الواحد يضبط ساعته على الدوام بينما صلاة الفجر مايدري متى وقت أذانها !!!
قــلــــــــــــــــ أدب ـــــــــــــــــــــة
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بمبلغ زهيد ولو يهديه واحد شريط إسلامي سجل عليه بابا فين
قــلــــــــــــــــ أدب ـــــــــــــــــــــة
اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل
قــلــــــــــــــــ أدب ـــــــــــــــــــــة
ان الوحده تقعد على التلفون ساعه وصلاتها دقيقه
قــلــــــــــــــــ أدب ـــــــــــــــــــــة
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني
قــلــــــــــــــــ أدب ـــــــــــــــــــــة
إن الواحد يشوف ( قلة الأدب ) ولايقول عنها ( قلة أدب )
قــلــــــــــــــــ أدب ـــــــــــــــــــــة
انك تحصل واحد يحترم الناس كلها الا امه او ابوه تلقاه يكلمهم بطرف خشمه :
قــلــــــــــــــــ أدب ـــــــــــــــــــــة
انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتد ر
قــلــــــــــــــــ أدب ـــــــــــــــــــــة
انك تكون جالس في وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك
قــلــــــــــــــــ أدب ـــــــــــــــــــــة
لماتشوف واحد في الشارع وتستصغره ولا تسلم عليه
قــلــــــــــــــــ أدب ـــــــــــــــــــــة
اذا شفت صديقك في ورطه ولاتساعده وانت قادر على مساعدتة
قــلــــــــــــــــ أدب ـــــــــــــــــــــة
اذا قدم لك صديقك خدمه وأنكرت فضله عليك
قــلــــــــــــــــ أدب ـــــــــــــــــــــة
انك تحط سيارتك عند باب جارك ..وعندك مكان ابعد شوي..
قــلــــــــــــــــ أدب ـــــــــــــــــــــة
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...
قــلــــــــــــــــ أدب ـــــــــــــــــــــة
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالك
قــلــــــــــــــــ أدب ـــــــــــــــــــــة
انك تطولي لسانك على الشغاله..وهي بسن امك..عشان شغله ممكن تسوينها بنفسك
((ليس منا من لم يوقر كبيرنا ))
[قــلــــــــــــــــ أدب ـــــــــــــــــــــة]
لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
وتكشفين للدكتور عاااادي...وكنه من بقية أهلك وبدون محرم
قــلــــــــــــــــ أدب ـــــــــــــــــــــة
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف :
قــلــــــــــــــــ أدب ـــــــــــــــــــــة
لما ترفضين شريط اسلامي او كتيب من احد الدعاة..بينما لو أحد اعطاك شريط لمطرب العرب كان ماتدرين شلون تشكرينه
قــلــــــــــــــــ أدب ـــــــــــــــــــــة
عندما نسهرساعه على النت ولانصلي لو ركعة لله
قــلــــــــــــــــ أدب ـــــــــــــــــــــة
انك متعلم وحاصل على شهادة عليا..وماتفقه اقل شي في دينك
قــلــــــــــــــــ أدب ـــــــــــــــــــــة
أنه مانشوف القرآن إلا من الجمعه للجمعة عشان سورة الكهف .
هذا إن كان من الجمعة للجمعة
قــلــــــــــــــــ أدب ـــــــــــــــــــــة
اني انقل المووووووضوع ولا اكتب منقووووووووووول
قــلــــــــــــــــ أدب ـــــــــــــــــــــة
انك تشووووف مشاركه في المنتدى ولا اتقووووول شكرا