ملخص المحاوره بين الشاعر سفير المهد والشاعر طلال البدور.. الثالثه حسب جدول المحاورات المباشره

ملخص المحاوره بين الشاعرين سفير المهد الشاعر طلال البدور

المحاوره الثالثه حسب الجدول

علما ً بانه كان مع الشاعر طلال البدور حسب ترتيب الجدول الشاعر متعب البديري ولكنه اعتذر عن الحضووووور

وكان له بديل وهو الشاعر سفير المهد



الطاروق الاول من قبل الشاعر سفير المهد



سفير المهد

مرحبا في حلة المطران جزليـن العطايـا = بالرجال اللي لفونا من جنوب ومن شمالي
ياطلال الليل شد حزامك وحـث المطايـا = والوعد هداج تيما واشرب الجم الزلالـي

طلال البدور

البقابك ياسفيـر المهـد ياحلـو النوايـا = والبقا في ربعك اللي واصله حد المنالـي
اعطنا ياصاحبي من جزل هرجك والحلايا = حيث بانك ماهرٍ يعرف طريقه والتوالـي

سفير المهد

الجنوب اهله لهم فن ولهم وصف ومزايا = مير صاروا يلعبون محاورة تال الليالـي
ابشر ابشر بالكلام الجزل وانواع الهدايا = والهدايـا ماتقـدم ياطـلال الا لغالـي

طلال البدور

الجنوب اهله سعاطيلٍ يسوون السوايـا = يشربون ابيوتكم مثل اللبن وسط السحالي
مابقي من فنكم ياصاحبي غيـر البقايـا = ثم يذهب مع هبوب النود مافيها جدالـي

سفير المهد

مانذم اصحابنا الاجواد مـن بيـن البرايـا = مير حنا فننا فوق السمـاء نجمـه يلالـي
والدليل انك تعرضتـه وجيـت بلاوصايـا = لو ماهو بأطيب منه ماجاه الاقصى والموالي

طلال البدور

يالمطيري فنكم ماينشره كود الدعايـا = الجريدة والمجلة تنقض الشعر المثالي
ياعميلي مالفيناكم بتصنيـف وطرايـا = حن لفيناكم نبيّن فالقصار وفالطوالـي

سفير المهد

بينه للنـاس ياابـو زيـد مافيهـا خفايـا = وان جهلت انشد ولد غانم وابو زيد الهلالي
راعي الاعـذار لـو كثـر وزود فالحكايـا = عذره اللي قدمه للناس من نسج الخيالـي

طلال البدور

مايصدّق هل الكلام ونحسبه ضمن الوشايا = مايصدّق هل الكلام الا مهابيل الرجالـي
الفروق الواضحة قدم العرب فيها الكفايا = ماهو لازم انا نبحث الاسبـاب ولانبالـي

نهاية الطارووووووووق الاول

-----------------------------------------------------------------------------------------


أما الطاروق الثاني كانت البدايه من قبل الشاعر طلال البدور

لكنه اعتذر عن التكميل لضروووووووووووووووف




والسلام عليكم
عمر عمران