الشـــاعر/ حــمود عبدالله بن دغيليب الونيسي العزيــزي

بسم الله الرحمن الرحيم

السلام عليكم ورحمة الله وبركاته

اخواني الاعزاء رواد هذا الصرح الشامخ من صروح بني عزيز

اقدم لكم اليوم منقيه من قصائد الشاعر

حمود عبدالله بن دغيليب العزيزي .ابو تركي



الاولـــــــى

نصيحــــــــه
.
.

يقول مــن زيـــن القـــوافي نظمـــهــــــا =واخــتار جـــزلات الــمعانــي والاشعــار
شـاعـــر وقيفـــانه رفــــيعــه قيــمــهــــا = من هاجسه مـاهو مـن النــاس معــتــار
ياللي مـــن الطعــــات نفسه حــرمـــهــا = اعمــارنا مابيــن قــوسيـــن وقــصــار
كم واحـــد(ن)نفســـه بفعلــه ظلـــمهـــا =كــثر المـعاصـــي تـــورد النــفس لــنـار
لاتحسب الدنيــا طويـــل(ن) نسمــــــهـا =ياســـرع ماجــــذت وغـــصت بـــالازوار
دنيا على العربــــان تــــضفي سقمـــهـا =ولاطـــار طـــير الا وقـــع مــثل ما طــار
ابنصحــك خمس الفـــروض التزمـــهــــا = بالـــسنة اللـــي ســـنها سيـــد الابـــــرار
اد الزكـــاةوصــــوم الايـــــام صمـــهـــــا = شهر رمضان وســـت مـــن شهر الافـــطار
والحج والعـــمرة بالاركــــان اقمـهـــــا = وقف بالمشاعر لـــين تــــرمي بالاحــجار
وطوف الـــوداع ختامهــــا في حرمـهـــا = واجب على الحـجاج قــــدام الاســـفـــــار
واحـذر حقـــوق الوالديــن تهظمـــهــــــا = الله امــــرك بــــرهــم عــــــدة امــــــرار
وايــضا قــــوانين الرجال احترمـــــــهـا = لاتصير بـــين الـــناس نــاقل وهـــــــذار
وكلمتك قبـل ماتحـكمــك احكمـــهـــــــا = ترى جميل القـول يجلـــب لــك وقــــــار
نصائــح (ن) مني الــى مـــن فهمـــهــا =وعلى النبي صـــلو عــدد قطر الامــطار

الثـــانيـــــه

قيلت في زواج الشيخ /احمد بن عايض المندهه

سلام الله على هل الموجبه وهل الفخر والجـــاه=مقــــاديـــــم القـــبيلــة فالســنيــن الاولانــــــيـــة
بنوللمجد بيت (ن) ثابت السيسان من مبـــــداه=على الجدان و الاحــفاد والسيـــسان مبنيــــــة
لهم بالطيب باع للفخــــر من ساسهم مدعــــــاه=على مشخص وزيد ومن بعدهم نارهم حيــــــة
اليا غاب الفهد عقب فهود(ن)يحتمون احماه=تروح اجيال فاثر اجيال والاوقاف محميــــــة
هذاك الشبل من ذاك الاسد مثله واخذ سيماه=وجزلات المعانـــي بينة ماهــــي بمخفـــــــية
دعانا للفرح واعـــز واغلا مـــن نجي بدعــــاه=عسى الله يرزقه خير الاعمال وخير ذريـــــــة
دعا دعوة عمومية ماتستغرب على شــــــرواه=ورحب بالجميع وكـــلمته مـــــاهي دوينـــــــية
عسى الله يرحم اللي للعلوم الطـــيبة ربــــــاه=ويبقي من رعا بيت الامــارة مثل ماضــــــية
ابو مقرن محمد والــــدعاوي كلها تنصــــاه=قوي الراي زيزوم الحمول وياصــل الهيـــة
اليا منه تصــــدر للقضــــايا الحق مايخـــفاه=يحل المشكلة ماقال جيب للحق قـــــاضيـــة
ولد عايض وجده زيد شيخــانا لنا مبــــهـاه=على ايام الشدايد قادة امطيــر العـــلاويـة
لهم تاريخهم مهما يطول الدهر مايمحــــاه=عسى ربي يديم الامن ويعز السعوديــــــة
وراعي الشر جعل الشر في وجهه ومن غواه=الا يـــالله تطفـــي شرهم يادافـــع الســـــية
سلام الله على هل الموجبة وهل الفخر والجاه=وصلى الله على المبعوث بالدين الحـــــنيفية

الثـالــــثــــه

قيلت في ايام العيد وربيع وادي بيضان 1418هـ

العـيـد عيــدنـــاه بطـراف بيضـــــــان =عيد وربيع وجا لقلبي على الـــكيـــف
النفس عنها تنـــجلي كـل الاحــــزان =والارض سالت والنفل فالوطى شيف
حليب خلفات (ن) مصاغير وسمـــان = ماطعمت بشغير ترعــى من الريــف
في دارنا اللي لاهل الطيب مسكــــان = بني عزيز اهل اليديـن المغاريـــــف
غـرافة(ن) للطيـب ماهــــم برديــان = وديارهم يامن بها الجار والضـــيف
وان جـا نهـار(ن) فيـه لشــر دخــان = مروين حد الشلف والرمح والسيف
يوم (ن)بقعا بيـن جايــع وشبعــــان =كم ذود قوم(ن) عود وبه مناكيـــف
روادة الهيجـا عطيبـين الايــمـــــان =قامو على الاتراك واسقوهم الهيف
يوم(ن) ناداهم منادي كــحـيــــــلان =عبدالعــزيز اللي سيــوفه مهاديــف
اللـــي بنا للـدين دولـه لهـا شـان =من الحجاز الى الحسا ثم لطريف
ومن تبوك الي شروره وجـيـــــــزان =بالراي والهــمه وبالرمــح والسـيف
ماقلت قول الا مـوثق ببــــرهـــــان =ماهو كلام ياهل الاكاذيب والــزيف
ويالله بارك في عيـالـــه رحــــمــان =اللي على نهجه جسور(ن) مواقيف
وصلو على المبعوث باختام الاديــان =صلو علـــيه وسلمــــو يا عواريـــف

الرابعـــة

مجاراه لقصيده غزليه

ياللــي بـديت القـاف والفــكر رايــــق = يامرحــبـا فــاول كــــلامـي وتـاليــــه
اعداد برق (ن)بين الامــزان عـــالق =اللـــي مــطرها كــل حــاجـر يرويــه
وان كان تشكي الحب والصدر ضايق=الحــب نـار قلـــب الانــسـان تكويـــه
كم واحد(ن)ساقه وراء الحب سايق=وامسي وراء البيبان يومــي بياديــه
اما تبع شلـة اشـــرار الــخـــلايـــق=اللي عن ادروب الرياجيل تغويـــــه
والاعرض له في طريقــه عوايــــق=الحر يفهم بالاشــارة وتــكفــــــيــه
لكــــن حذراء لاتجـــي فالمـــــــزالق=درب الزلق عار(ن) على الرجل يمشيه
العـــمــر كلـــه يالبناخـــي دقايـــق=والخاسر اللي في المعاصي يمضيه
اختار درب ابوك واحـذر تــفـارق=ذاك الكرم والعرف والدين حاويه
وجدك عقيــد فاول القوم وايـــــق=يشفي غليله من عدو(ن)يعاديـــه
خذ من سيرهم يالبناخـي طرايــــق=واترك سفيه الناس لاتنفتــن فيــه
هذي نصيحه كان للنصح فايــــق=وانصح للغالي من الناس نهديـــه

وتقبلـــو خالص التحيات من

اخـــــوكــم / الونـــيــــس