مـحــاورة رائـعــه بـيـن تـركـي الـمـيـزانـي وابـن مـشـيــط

ابن مشيط

سلام الله سلام ( ن ) عليه من الذهب لون
وطعمه مثل طعم العسـل واحـلا شويـه


قالـو المـوال قلنـا لهـم جاهـز ووالـم
قوم يا تركي عطالله عساك تـروح سالـم
انت بعض احيان صاحي وبعض احيان حالم
ولعوهـا نـار والنـار مــن شبابـهـا


ياتركي يوم صاحي وعشر ايام مجنـون
تهقوا لك علوم ( ن ) كبر هضب الطميّه


~~~~~~~~~~~~~~~~~~~~~~~~~~~~~~~~~~~~~~~~~~~~~~~

تـركــي الـمـيـزانــي


احيي بك وغيري رياجيل ( ن ) يحيّون
هلا يامرحبا في محـل اهـل الحميّـه


ابشر اني سالمٍ منك من ماض القدايـم
يوم ترديد العزاوي وتعصيـب العمايـم
وانت لا صاحي ولا انته على ماقيل نايم
ولعوهـا نـار والنـار مـن شبابـهـا


انا امشي في طريق السنع وابليس ملعون
ولا فكـرت فاهـل اللحـون السامريّـه


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ابــن مــشــيـــــط

ابقاضيك عند القضاة اللي يحكمون
لو اني واثقٍ مالك حقـوقٍ عليـه


لا تعزوا يالمطيري وتشهر بالبنـادق
كاشفين سلاحك اللي مخبـا فالخنـادق
انت لو قلت انك اوفا وفي منته بصادق
ولعوهـا نـار والنـار مـن شبابهـا


عطيتك كم نصيحه وانا راضي وممنون
لكنك ما تجاوب معي مـن سـوّ نيّـه


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

تـركــي الـمـيـزانــي


ترا ما بيننا غير حدّ السيف مسنون
ولا يوجد قضاةٍ يحلّـون القضيّـه


يا مصيّح لا تصيّـح ولا يكثـر صياحـك
انت تبحث عن هجادك وتبحث عن صباحك
وان هجدتك والله ماينفعك حتـى سلاحـك
ولعوهـا نـار والنـار مــن شبابـهـا


الا يا صاحبي خلي ممشاها على الهون
شدادك لا يطيح بـك منظـر المطيّـه

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~

ابــن مــشــيـــــط


اصلح معك الاوضاع وانته شخص ملسون
ما تدري انك لسانك مقصـه فـي يديّـه


احمـد الله رووسنـا بالمـعـزّه مستريـحـه
وانت محد ( ن ) يسمعك لو تصيح الفين صيحه
كل يوم اخذ مـن الشبـك يـا تركـي ذبيحـه
ولعـوهـا نــار والـنـار مــن شبابـهـا


لا تقرب من شدادي ولا تقرب ذوي عون
شداد الراعـي اللـي مكلّـف بالرعيّـه

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

تـركــي الـمـيـزانــي


الا يصحابنا في طريقي مالكم شوون
ومنكم من عرضلي تضاحيت ضحية


سجلوهـا يـا رواة القضايـا فاللوايـح
معجزة والمعجزة ما نبي فيهـا نصايـح
كيف تذبح وانت لاهنت من ضمن الذبايح
ولعوهـا نـار والنـار مـن شبابـهـا


ابحدّك وصدّك وابضيق بك الكون
وانا رجال ماخطي ولا احب الخطيّه

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ابــن مــشــيـــــط


لا بد تعيش تحت الامر وتموت مغبون
وانا ماني بمانعـك لاتكتـب وصيـه


بعد غيّرت المذاهب وغيّرت الطبايـع
ودّي ادلك طريقك مدامك صرت ضايع
لا تهاون فالذبيحه تراني ذيب جايـع
ولعوها نـار والنـار مـن شبابهـا


عصا موسى يا تركي تبطّل سحر فرعون
توقّـع قبـل لانكبـك نكبـه عالمـيـه


~~~~~~~~~~~~~~~~~~~~~~~~~~~~~~~~~~~~~~~~~~~~~~~~

تـركــي الـمـيـزانــي


ترا ما منك خوفٍ يجي والرزق مضمون
ابمشي في طريقـي ورجلينـي جريّـه


انت قلبك يرتجف ما يشيلنّـه ضلوعـك
مير انا ما ودي انشد عيونك عن دموعك
جيت جايع وابشر انك تبا تسري بجوعك
ولعوهـا نـار والنـار مـن شبابـهـا


كثير الناس كبر الجمل والعقل ما لون
لو ان الجسم جسم الجمل عقله بليّـه

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ابــن مــشــيـــــط


ترا رزقك مهدد ووقتك غير مامون
عسا ربك يفكك من صدوف المنيّه

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

رابط المحاورة

http://www.f999f.com/upload/files/20...90588e4rsy.AMR