علي الــريــض

الفكـر سجاتـه فتيلـه وبــارود=
= لاعنت افكـار القريحـه وقدحهـا
والحزن تحت الضلوع العوج موجود=
=نزل بي فيضة خاطري ما برحهـا
لاذعذعت بعـال مراقيبهـا النـود=
=هب القلق والضيق غصب ولفحهـا
تاخذنـي الأيـام والغيـب وعـود=
=من غاص في بحور المحبه سبحهـا
لعيون من فيهـا عـن امثالهـازود=
=شيهانـة بالزيـن ربـي ملحـهـا
سلمتهـا قلـب ومواثيـق وعهـود=
=وشعرا اليا هاضت اشجونه مدحهـا
بين أمتحان البعد وعيونهـا السـود=
=من لارسـب بحبهـا مـا نجحهـا
قطفت لأرضاها من الشوق عنقـود=
=كم زلـتً منهـا فـوادي دمحهـا
صار الجزا منها غرابيل وصـدود=
=يـا نخلـة شحـت بحالـي بلحهـا
عتبتها مـره ومـن دون مقصـود=
=دلعـة حتـى عتـابـي جرحـهـا
قامت تكابر والجفـا يبـس العـود=
=لين أجزلت نفسي وعافـت فرحهـا
واقفيت عنها وضيقتي مالها حـدود=
=من ضيق أصدور البشر ما شرحها
يا كبرها لاصرت ما خوذ مجحـود=
=لا سبلت دمعتك ما احـدن مسحهـا