أجمل ما قيل في النصيحة

هذى اجمل ما قيل في النصيحه حتى يومنا هذى من الشاعر براكات الشريف لإبنه مالك ارجو ان تحوز على إرضائكم جميعن وتقبلوا مني أجمل قصيدة في النصح والله الله بردود طيبه وسامحوني على الاطالة


يا مرقب بالصبح نطيت راقيك ******** ما واحد قبلي خبرته تعلاك
وليت ياذا الدهر ما أكثر بلاويك ******* الله يزودنا السلامة من أتلاك
يللي على العربان عمت شكاويك ****** وليت يا دهر الشقا ول مقواك
ولا يوم هالكا نون غاد شبابيك ******** تلعب به الأرياح من كل شباك
يا مالك اسمع جابتي يوم أوصيك ****** واعرف ترى يابوك بآمرك وانهاك
وصية من والدٍ طامع فيك *********** تسبق على الساقه لسانه لعلياك
أوصيك بالتقوى عسى الله يهديك ***** لها وتدركها بتوفيق مولاك
الله بحق أجدادك الغر يعطيك ******** مرضاته مع ما تمنيته أمناك
احفظ دبشك اللي عن الناس مغنيك ***** اللي إليا بان الخلل فيك يرفاك
واعرف ترى مكة ولاها بناخيك ******* لوتشحذه خمسة ملاليم معطاك
اجعل دروب المرجلة من معانيك ****** واحذر تميل عن درجها بمرقاك
لا تنسدح عنها وتبغيني اعطيك ****** جميع ما يكفيك ماحاصل ذاك
أدب ولدك إن كان تبغيه يشفيك ****** واستسعفه من بعد مرباه بالاك
اما سمج واستسمجك عند شانيك ******* ويفر من فعله صديقك وشرواك
والا بعد جهله ترى هو بياذيك ******** لوزعلت امه لاتخليه يالاك
واحذر تضيع كل من هو ذخرفيك ***** معروفه لاتنساه وأوفه بعرفاك
ترى الصنايع بين الأجواد تشريك ****** اليا طمعت بغرسها لا تعداك
واحذر سرور بغبة البحر يرميك ******* ولاعنده أفلس من تشكيك وابكاك
واوف الرجال حقوقها قبل تاتيك ***** لا توفيه بالقول فالحق يقفاك
وهرج النميمه والقفا لا يجي فيك ***** وإياك عرض الغافل إياي وأياك
تبدي حديث للملا فيه تشكيك ******** وتهيم عند الناس بالكذب واشراك
وليا نويت احذر تعلم بطاريك ******** كم واحد تبغي به العرف واغواك
واحذر شماتة صاحب لك مصافيك ***** واليا جرى لك جاري قال لولاك
ولاتحسبن الله قطوع يخليك ******** ولاتفرح أن الله على الخلق ابداك
الضيف قدم له من حين يلفيك ******* مما تطوله يافتى الجود يمناك
أكرم اقباله فإنها من شواديك ******* وابذل له المجهود مادام يعناك
أحذر تلقي الضيف مرقن علابيك ****** خله محب لك صديق إذا جاك
وأوصيك زلات الصديق إن عثا فيك ***** مازال يغطاها الشعر فاحتمل ذاك
راعه ولوما شفت انه يراعيك ******** عساك تكسر نيته عن معاداك
واحذر عدوك لو ظهربي يصافيك ******* خلك نبيه وراقبه وين ماجاك
لاتأمنه واطلب من الله ينجيك ********** وكيفيك ربك شر ذولا وذولاك
شفني أنايابوك بآمرك وانهاك ******** عن التعرض بين الاثنين حذراك
إذاحضرت طلابة مع شرابيك ******* اسع لهم بالصلح واللاش يفداك
ابذل لهم بالطيب ربك ينجيك ******** ولاتجضع الميزان مع ذا ولاذاك
أما الشهادة فادها إن دعوا فيك ********* بين عمود الدين لاعميت أرياك
بالك تماشي واحد لك يرديك ********* طالع بني جنسك وفكر بممشاك
رابع أصيل في زمانك يشاكيك ******** لاشاف خملاتك عن الناس غطاك
وأحذرك عن طرد المقفي حذاريك ******* عليك بالمقبل وترك اللي تعداك
ثم إلعن الشيطان لياه يغويك ******** ترى إن تبعته للشرابيك وداك
ووصيك لاتشكي علينا بلاويك ****** إنت السبب طرفك عيونك بيمناك
واعرف ترى ألي واطي الفهر واطيك **** ولاأنت أعز من الجماعه هذولاك
المسك ياراسي عن الذل واخطيك ******* واحذر تكلم يالساني حذراك
والطف بجارك وقم من دون عانيك ****** وافطن لما يعنيك عن ربعة أحواك
ياذيب وإن جتك الغنم في مفاليك ****** فاكمن الين إن الرعايا تعداك
من أول ياذيب تفرس بياديك ******** واليوم جاذيب عن الفرس عداك
ياذيب عاهدني وأعادك مارميك ******* مرميك اناياذيب لو زان مرماك
والنفس خالف رأيها قبل ترميك ****** ترى لها الشيطان يرمي بالإهلاك
ومن بعد ذا لا تصحب النذل يعديك ******* وعن صحبة الأنذال حاشاك حاشاك
ترى العشير النذل يخلف طواريك ******** وأنا أرجي أنك ماتجي دون أباك
والهقوة إنك ماتجي دون أهاليك ******* ولا ظن عود الورد يثمر بتنباك
والحر مثلك يستحي يصحب الديك ******* وأن صاحبه عاعا معاعات الأدياك
لاتستمع قول الطرف يوم يلفيك ******** بالكذب يقضي حاجته كل ماجاك
من نم لك نم بك ولا فيه تشكيك ****** وأيلاه قد أزرى رفيقك وازراك
عندك حكا فينا وعندي حكا فيك ******* واصبحت كارهنا وحنا كرهناك
ماخطاك ماصابك ولو كان راميك****** وألي يصيبك لو تتقيت ماأخطاك
مير اتمع مني عسى الله يهديك ****** النصح يامالك لك الله لمولاك
عندي مظنة ماتمثلها فيك ******** واطلب لك التوفيق من عند مولاك