مطير حمران النواظر هـل البـاس

السلام عليكم ورحمة الله وبركاته

الــــــــــــــــشـاعـــر

فلاح بن مبرد الحميداني

من الشـعراء المعاصرين

قالوا مطيري قلـت افاخـر بساسـي = مبنى شرف ما غيّره كـل وسـواس
للمجد ماخـذ مـن عـدوي قياسـي = نختار من وقفـات اهلنـا ونقتـاس
يوم الوفـا ومصادمـة كـل قاسـي = تعرف مواقفنا على قـب الأفـراس
اهل النقا واهل الشـرف والحماسـي = مطير حمران النواظر هـل البـاس
بنـوا لنـا بالمجـد رقـم قيـاسـي = كسارة الجمعـه بعيديـن الأرمـاس
من خيلهـم بـاد الحديـد السداسـي = وبادت خفوق الهجن من كثر الأمراس
مرسين لو كثـرة علينـا الحساسـي = بين الجنوب ونجـد وديـار عبـاس
وشيوخنـا مثـل الجبـال الرواسـي = شـوخ لهـم هـده ورده ومفـراس
دوشان بشيوخ العـرب مـا تقاسـي = روس عليها وافـي الطيـب ينقـاس
وعموم شوخ مطير تجلى العماسـي =شقر الحرار اللي حوت كل نومـاس
عوق الخصيم اللـي براسـه يباسـي = يهابهم عنـد اللقـاء كـل مدبـاس
واليـوم بيّـن بالأمـور انتكـاسـي = ضاع الوفا يوم ارتفع تافـه النـاس
وقامت تعذربنـا وجيـه البساسـي = ويروجون لهرجة مـا لهـا سـاس
مرضى النفوس اللي تحب السواسـي = نقالـة الشينـه مواريـث الأنجـاس

وتقبلوا تقديري واحترامي
منقوله..............