لغز ابو ثلاثميه

الـسلام عليكم ورحمة الله وبركاته..


هالمره جايب لكم مفاجأة من مفاجأتي..


الا وهي لغز وعليه بطاقة سوى مسبقة الدفع بقيمة ثلاثمائة ريال سعودي فقط لاغير. ومدة اللغز اسبوع ( 7 ايام من تاريخ كتابة المشاركه)..



هاللغز ياطويلين العمار ارسلته في قصيده الى عمي العزيز ( ابو طيوف) ..


يعني قصيده يمشي حالها خخخخخخخ




راح اذكر لكم كم بيت منها ومن ضمنها اللغز على سبيل الاستمتاع ..


اقووول فيها ..

العين هلت لين كلت يابوطيوف = وحكم الدهر عييت لا افهم صروفه
في لحظه ان زان الزمن يمكن ايطوف = وفي لحظة الاحزان ماطول وقوفه
ياعم تاتيك الرسايل بمظروف = في وسطها ابناخيك شارح ظروفه
اقرى حروفه ثم قلي وش اتشوف = ومثلك ماظني يبتلش في حروفه

.


.

.
طبعا القصيده اطول من هيك ولكن فيها شوية خصوصيه ..

لكن نورد اللغز وهو بيت القصيد .

يقووول

ابنشدك عن ضيف يتبع له ضيوف = يجلس طرف واكثر قراهم يطوفه
يلحق بهم في وقت واضح ومعروف = متخفيٍ ماكل عينٍ تشوفه
يثبت ليا قلٍط ولاهوب مكتوف = وياويل من يرميه حظه بجوفه