نهار سبعة عشر ... ؟؟؟ أحمد الناصر

السلام عليكم ورحمة الله وبركاته
انقل لكم القصيدة المبهمة
لشاعر المشهور احمد الناصر
قصدة غزليه وطريفه و يعرفها اغلب اهل الشعر ومحبينه
وكما قيل ان الطيب والمميز لا يمل وكل يمنه ودائما ما يجدد نفسة وحالة بذاته وتطرب له الأذن ويعشقة كل من عرفة
اود من الجميع ولا سيما الشعار ان يزودونا بدولة او عنوان البنت التي يتغزل فيها الشاعر
حيث أختلف فيها الكثير من الناس

نهار سبعة عشر سبعة بتالي رجب ,, ياليتني مادخلت السوق وانا أجنبي
العصر مريت يوم السبت سوق الذهب ,, لقيت مخلوق لاهندي ولامغربي
من شوفته مالقيت الا السهر والتعب ,, صار السهر والتعب من شوفته مكسبي
اللبس لبس اجنبي والدم دم العـــــرب ,, زول لياشافه الشايب يعود صبي
مكمّلٍ بالجمال وبالحسب والنسب ,, قلت السلام وتبسم قال لي وش تبي ؟
وليا تقربت من زين الحلايا هرب ,, واقول عطنا الصراحة وانت ابو ماتبي
بغيت اعرفه وش اسمه مار مالله كتب ,, يقول ابي سمعتي واخشى على مذهبي
تبين النور من خده علي واحتجب ,, يالله عليك الخلف تخلف علي تعبي
أنا قتيل العيون النجل سود الهدب ,, شفت العنا والعذاب ولاحصل مطلبي
قلت ارحم اللي طواه الهم وانت السبب ,, قالت : لعله يطاولك السهر بسببي
قلت الظليمة حرام بكل حشمة وادب ,, قالت معي علم وصانا عليه النبي
أنشد ولايلحق النشـّـاد لوم وعتب ,, أنا غريب وقضى ماي وقضى مزهبي
أنتي من أهل الكرك والدير , ولا حلب ,, قالت يشيب الولد ماحصل اللي يبي
قلت أنتي من السويد أهل الفرح والطرب ,, قالت بلاد العروبة رغبتي وطلبي
أنتي من اهل الخليج مخلصين النشب ,, قالت من المسلمين وجد ابوي عربي
أنتي ربيتي بدار مطوعين النشب ,, بابو ظبي يازريف الطول ولا دبـــــي
قلت انتي من أهل نجد معزلين السّرب ,, قالت ورى البحر الابيض شعبي ومنسبي
قلت انتي من اهل مصر وزاد فيها الغضب ,, قالت لاوالله يعيّي مذهبي وذهبي
قلت انتي من الكويت مفرجين الكرب ,, قالت جنوب البحر بحدود مرمى الظبي
واللي يقول الهوى كله خطر ماكذب ,, قلت اوعديني وعد بس اذكره واكذبي
قامت تعجّب وقالت يازمان العجب ,, يالايم أهل الغرام أنا أشهد انك غبي
عليك رسم البداوة والزمان انقلب ,, قالت عظامي ودمي واللحم وعصبي
أنا من البدو كان الدم وصل الركب ,, يوم السلاح المفتـّل والرصاص حلبي
ابوي قال الدبش يسرح ولاله جنب ,, رمحي بيمناي والبندق على منكبي
نهار سبعة عشر سبعة بتالي رجب ,, ياليتني مادخلت السوق وانا أجنبي