الــــحــاجــه

بـــســم الــلــه الــرحــمــن الــرحـــيــم

السلام عليكم ورحمة الله ويركاته

هذه قصيدة تُعَبّرْ عن موضوعها الذي كُتِبَت من أجله ، أتركَكم مع القصيدة


الـحــاجــه أم الـعِـرف والـشــك زايــل
مـع قـسـوة الأيـام تـسـقـي مـريـره

مـنـهـا عـرفـنـا الـلـي فـعـوله دلايـل
دلايــلٍ لـلـطـيــب صـافـي سـريـره

فــي وقـفـتـه يـسـوى كبـار القبايل
بــدّى الـكبـيره كـيـف عـاد الصغيره؟

فــي ذا الــزمــن قـلوا عيال الحمايل
يــاكــثــرهـــم لا قـلـت عـرفٍ وجيره

يــاقـلـهــم لاجـاء نـهـار الــصــمـايـل
تــقــصــر خطاهم ماتحث المـسيره

وش حاجتي فاللي يسوق الهزايـل
لاهــو مــرافــقـنـي ولانــي شـويــره

مـاهـو من الـلي يـكـسبون الجمايل
ولاهـو مـن الـلـي له فـعـولٍ شهـيره

يــاجـالـب الــهــزلاء ولـلــشـر شـايـل
مـأنـتـه خـويـي جـعـل فـالأمـر خيـره

أسـعـى ورى الـلـي طـايل لكل طايل
فــيــه أفـتـخر فـي كــل حـيٍ وديــره