الا يا وجد روحي

الا ياوجد روحي وجد من قضى العمر مسجون
قضى عشرين عام بوسط سجنه محد(ن)زاره
ابتهمت قتل ظلم ودين حول اربع مية ملــــيون
وغيره مبلغ(ن)ماهو بداري كـــــــــــــم مقداره
تخلو عنه ربعه وسكتو ما كنـــــــــهم يـــــدرون
مافيهم من يدور له وياخذ مو جز اخبــــــــــاره
وصابه ضغط مع سكر وصابه بعدها القيلـــــون
يالين انهد جسمه واكثر الاعصاب منهـــــــــاره
بعد ماكمل المده طلع له واحد(ن) ملعــــــــون
بشكوى ثانيه ثم طال وسط السجن مشـواره
على اللي من فراقه صرت لاصاحي ولامجنون
بعد عشرة عمر عني تخلى نعـــــــن ابــو داره
بعد سلمت له قلبي ومفتاحه مع الكـــــــيلون
لكن وسوس له الشيطان حتى غير افكـــــاره
اذا قصده جفى ماهي على هامان يافرعـــون
وذا له قصد ثاني يمكن اقبـل منـــه معــــــذاره


الشاعر : عايض نور العزيزي