قصيدة الشيخ راشد الطلاحبي رحمه الله

هذه القصيده قالها الوالد رحمه الله عندما كان في الشمال موظف مع الامير محمد الاحمد السديري مايقارب ست سنوات تقريب عام 1360ه وعندما حن للديار وابناء عمه وقرايبه تهيض وقال هذه القصيده ....
يامل قلب(ن) فيه ورد(ن) وصدار
يردن صندوق الظماير دوامي
يردن صندوق الظماير بلا حكار
عداد رمل مكومات العدامي
في داخل الصندوق ماهن بظهار
شي(ن) مشاريع(ن) وشي(ن) حيامي
من العشا لين ابتدا نور الأفجار
العين عيت لاتذوق المنامي
ماهو من الحقره ولا قل مقدار
ماغير من بعد الربوع الحشامي
ليا ذكرت الربع ذربين الاشوار
فزيت فزت نايمن عجل قامي
والله يالو ليه من الريش غيمار
لأطير مثل مطيرات الحمامي
لاواهنّي من سير على الربع مسيار
قدام لا يجدل عليّ الردامي
قدام تقريب المنايا والاقدار
قدام غالي الروح يكتب عدامي
شواني القلب المعنى بلا نار
خلا معاليق الظماير حطامي
يزرا عليه واحد(ن) مابه اوقار
بينه وبين اللي يقارب نقامي
ظحاك زوام(ن) على موتة النار
ويقول حكي(ن) ماوفى بالتمامي
يلهم من السفره كما يلهم الثار
يلهم ولا يفهم خطاة الخمامي...



الشيخ |راشد بن نافع الطلاحبي رحمه الله...