لاتنشغل فيني انا بحالي ادرى

لاتنشغل فينـــــــــــي أنابحالي ادرى
قلبٍ تعلّق فيـــــــك ينسى مع الوقت

اكثرمن اللي صـــــــارلي ويش يجرى
بين الرجـــــــــــاوالياس فكري تعلّقت

مثلي ولوشـــــفته عن همومه ازرى
ماقال ليتك فــــــــي جروحه ترافقت

هاك القــــــــــــصايد لاتضايقت واقرى
شف وشكثرفيها لبسماتك اشتقت

أثرالوفا ينــــــــــــــباع عندك ويشرى
ماكنت اصـــدق فيك واليوم صدّقت

يامشتهي فـــــرقا المواليف حذرى
تبعد وأنا مـن سكرة الحب مافقت

لاطافت الفـــــــرصه تحريت الاخرى
وتروح ماكنـــــــــي عليها تشوقت

ساري لـــــــو إن الليل مافيه قمرى
اشيل من حمل الهوى فوق ماطقت

لاصارحظ أقــــــــــشروالايام قشرى
مافيه احـــد عاقل يلومك إلياضقت

صحيح بعـــض الناس فرقاه بشرى
وبعض البــشرلاغاب ليله تضايقت

ليتك خذيت بليل الاحباب مسرى
غربت مــــن كثر الطواري وشرّقت

السيل يبقاله على القاع مجرى
ويبقالك التـــــــذكارلوكنت فارقت

اشوف لك من وين مارحت ذكرى
ولاشفتها صـــــديت عنها ودنقت

ماكل جرحٍ لاخــــــــــذا أيام يبرى
بعض الجروح يزيد شره مع الوقت

متعب التركي