والله ماجامل واحداً يلحق مطير

بسم الله الرحمن الرحيم

عبر ياهجسي من حسيّن التعابير= البس لتوصيل التعابـير تاجي
من دون جزل القاف خل الـمعاذير=هذا هواي ورغبتي واحتجاجي
ملزوم ثم ملزوم حشمه وتقدير=الـله يـسلم مطلـقين الحـجـاجـي
أمطير باعه مقحمين الطوابير=لاركزاً سـرد المـهار العـجاجـي
إرجال شان الواردين المصادير= لاشـافوا اللي ماركـدله مزاجي
خلوه عقب الزوم شاف المعاثير=لو كان جنبه مثل ضلعت سواجي
ياطيبنا ياهل الصخى ياهل الخير=وغير الطيابه بالمقـابل هـجاجـي
نثني خلاف معسكرات المسامير=يوم الوطيس ورايب الدم راجي
اليا لتفت شيخ السلف والمضاهير=في ساعتاً مافيه عذر وملاجي
وين الرماه اللي تبوج المعـابير= هوشوعسى الهواش يلـقى خراجي
يصيرفي بعض المواقف مخامير=إلا مطير اليا حـصـلـبه حلاجي
والخيل من حمو المشوّك منافـير=كم فارساً عن حارك الخيل ماجي
الفارس المغوار يسقا صعاطـير=طشان كبده مثل طش الزجاجي
اليا أقبلو ذولا وذولا مدابـير=ياقل منهو من هاك اليوم ناجي
ويوم الرسايل جاتنا و المـداوير=من واحداً مخه ومخ الدجاجي
كز الرسايل دون حجه و تفـكير=يبا يتلجا بـس ما هـوب لاجي
وحنا علينا ردها بالـفواتير=شكله ومثله مايسبب حراجي
مانقبل الزلات لوجاب تبرير= وعيباً علينا ما نذوق الهماجي
أرسل مراسيله على مواصـل أسير= بضلوفها أم أقرين فيها النعراجي
قام يتحجج عند ساق المواخير=يقول جاني من هاك القوم هاجي
جمعه غدا مشقور من قوت مـطير=خـلوه حمران النواظر يجاجي
ولع بدافوره وقدمه دوافـير=اضلوعنا مثل الحديـد السياجي
عطوه لقمه شر ببره بتخديـر=وهاذي علاجه كان قل العلاجي
حنا نشوفه شوف بعيوننا صغـير= ماتـنـفـعه كثـر الحيل والمناجي
نصعب عليه بكل معنا وتفسـيـر=حره طـويل وبالسراجيف لاجـي
وهاذي بلاوي من بلاوا المقاديـر= قامت تهقوانا الضعاف السماجي
امعلقن بذنه بروس الشناكـير= ماله على كـل الدعـاوي مداجـي
أنوقعه ونطيره طير ثم طـير=جعله مراح اللي تذب الزراجي
عقوبت الله حين حلوبه مـطـير=برضه غدا اللقاع حدره رجاجي
ومطير مذهبت الشيوخ المـشاهـير=تـاريخـنـا فيـما نـقـوله يناجي
اللي عطانا الوجه نقبل مـناحـير=متعـوديـن وخـاسراً من يفاجي
واللي يصورها على الكيف تصـوير= الـذيـب مايـشـبه للـسمر النـعـاجي
والله ماجامل واحداً يلحق مطير=و مطيـر صبحاً للسود الليل باجي
الشاعر : عـلي مـحـمـد الـجـش