جابتني الذكرى على الماضي اكتاف

جابتني الذكــــرى على الماضي كتاف
سجيت كنــــــــــــــي توني مكتشفها

سرى بـــــي الهاجس ومريت الاطراف
دوجت حـــــــــــــول الساعتين بطرفها

نعم تذكــــــــــــــرت الزمان الذي طاف
غديت مثــــــــــــل اللي عيونه طرفها

لي في غـرام(ن) فات كلمه وميقاف
لولا خفوقي هـــــــــــام بك ما وقفها

اول غيابك قلت انا مــــــــــابي خلاف
واليوم شف حالــــــــي غيابك تلفها

تجهل جروحي ياللي جروحك خفاف
معذور لو قلبك جــــــــــــهل ما عرفها

ياليت مجروح الهوى جـــرحه يشاف
لقول قرب مـــــــــن جروحك وشفها

شفها بعينك كــــانك من الله تخاف
حاول تصلح غلــــــــــــطتن مقترفها

العمر لامنه خلا منـــــــــــــك ينعاف
في حال والا حال غــــــــــير تعرفها

قدام عينك لــــــــــــو تطلعت وخلاف
تلقى الخفايا خاطـــري لك كشفها

خايف ومن مثلي معه حق لو خاف
تبعد ونفـــــــسي ماتحقق هدفها

ماللهوى عــــــندك مواثيق وانصاف
ماكنه الا لعـــــــــــــــــبتن محترفها

اليوم لو ذكراك تــــــرجع بي خلاف
محبتك سيــــــــــــل التهايم جرفها