يوم الربوع

هذي مشاركتي الخاصة الاولى في المنتدى اتمنى ان تنال اعجابكم
وتنال استحسانكم و المعذرة اذا كانت عكس ذلك
ــــــــــــــــــــــــــ

عسى يوم الربوع الي يوافق خمسة وعشرين=يعدية الخميس و يسبقـة ويصيـر مفقـودي
وتصبح هالسنة ثلاثمائة واربعة وخمسيـن=واذا عدو لنا الايـام ماهـو يـوم معـدودي
مادام انه يوافق يومهـا زواج نـور العيـن=ويقطع حبلنا الي له ثلاث اسنيـن ممـدودي
حبيباً ماخلق في مثل حسنه وابحـلاه اثنيـن=مهو بحاجة مكاييج الحلى والزين موجـودي
الى منة تخطـى قلـت مابالخيزرانـه ليـن=والى منه وقف ماهو بالاول ليـن العـودي
عطاه الله قبلة هرج زادت فوق زينـة زيـن=وغصب الاذن تصغيله ومعه الفكر مشدودي
تعاهدنا علـى حبـاً وفيـاً يجمـع القلبيـن=ولانسمع حكي عـاذل ولا نسمـع لمنقـودي
ولاحداً خان في حبه ولكن الزمـان الشيـن=يخلي بعدنا واقع ودرب الوصـل مسـدودي
تزوج وين انا مع حظي العاثر وخلي ويـن=عسى داراً سكنها مع مطرها برق وارعودي
وانا ببقى على الذكرى ولو طال البعاد سنين=و ابفتح للأمل باباً عسـاه الغايـب يعـودي
حسافة جا الربوع الي يوافق خمسة وعشرين=وخلى بعدنا واقع ودرب الوصـل ممـدودي

ودمتم بخير