صـوٍت من الشمـــااال وٍصدى من الجنــوٍب

(صــــوت) & ( صــدى)

(&صوت&) و (&صدى&)
من الشمال من الجنوب

الصوت للشاعر/ د.سالم العــزيـزي المـطيري

يا زين حل المشكل اللي من العام=شبيت نيرانك و زودت الوقودي
كل البشر ترقد وأنا منك ما نام=كني خفير حارس بالحدودي
ما لوم أبو نايف ولا عاد ينلام=أتعبت خلق الله وكلت جهودي
يا عود طيب ناعمٍ في ثرى الشام=تمايل غصونه بزين الورودي
كن البدر في غرته وافي تام=والشمس تشرق من هذيك الخدودي
و ما بقي من الزين مخفيه بلثام=و الاحتياط كنز بين العضودي
ليا جلس ميل متونه والأقدام=كالضابط المغرور وسط الجنودي
ليا وقف شد العباية بالأكمام=شد يضيم صغيرات النهودي
و اليا التفت يشبه لمعطوف الأريام=من البشر خايف وطبعه شرودي
و اليا تكلم هرجته كنها أنغام=من غير موسيقى وفرقة وعودي
لو جات لـ الدي سي أتش(dch)ما حطوا أكزام(exam)=عطوه دبلوما و شكر وعهودي
و ودوه لدبلن بموكب وخدام=في متحف تكثر عليه الوفودي
لي قصة لو طلعوها بالأفلام=كان البشر خلت ديانا ودودي
حبك سرا بالقلب مع كل صمام=و يدفه الأبهر بضغط عمودي
و مع الوريد الأجوف يسيل قدام=مشارك أنفاسي نزول وصعودي
ليا طرى حايل ضرب قلبي هيام=هيام هجن مطلبات العدودي
يا بنت من في الطيب يلبسله وسام=ليا شحت الأنفس كرمهم يزودي
أفعالهم نار على روس الأعلام=العالم الله والخلايق شهودي
يا من أسر روحي كما أسر صدام=مدري متى روحي عليه تعودي
خلاص مستسلم وراضي بالأحكام=أنا الفلسطيني وأنته اليهودي

= = = = = = = = = = = = = =
= = = = = = = = = = = = =
= = = = = = = = = = = =

الـصدى للشاعر/ علي محمد الشهري

سلام مني خاص وأنت قل عام =ليا مطير معربين الجدودي
و أخص فيهم سالم الليث مقدام=من رأس بارود شبيه الرعودي
ماني مستغرب قدومك على السام=و السام ترمي مبرقات الوعودي
في جيش أبو فيصل على كل ظلام=يدحر مطامعهم و يرجع سعودي
الله يعزك يا وطنا بالإسلام=و يعز حكامك آل السعودي
يا سالم أشكي علتي هجر وخصام=من الحبيب اللي جفى بالصدودي
أصالحه اليوم و يجيه نمام=يغويه عن دربي ويجفل شرودي
و أنا الذي متولع هايم هيام=و أقابل الحرقه بكل البرودي
أبو خدود موردات ومبسام=جدايله تسابقه في السجودي
مافي العرب ولا داج في سام=و لا في العجم مثله ولا في الهنودي
أنا مسمسم في الهواء سم سمسام=و هو طبيبي لا كنه جحودي
يا سالم أشكيلك أنا همي همام =أنت الطبيب اللي تعرف السدودي
قالوا لي الدكتور ما عينه تنام=يعالج الجرحي بشاش و ضمودي
يأمر وينهي حوله الريم خدام=و يكحل عيونه بزين الخدودي
يا ليتني دكتور أعطيه بلسام=و أعطيه روحي لو يبي زودي
يفداه ربعي و العشيره والأعمام=و يفداه كل اللي مشى بالوجودي
الحب ما يرضى بحاكم و حكام=إلا الفرج يعطيه ربي معبودي
صلوا على سيد البشر سيد الأنام=شفيع الأمة يوم العبث اللحودي

**معاني بعض المفردات**
Dch:دبلوما صحة الطفل الأيرلندية
Exam:امتحان
دبلن: عاصمة أيرلندا
:
::
:
::
وسلآمتكم