زمن المقالب : بقلم فكري خليل العزايزه

شعر بالعامية
بالمقلوب يازمن المقالب
الحق ضايع والباطل غالب
عشنا بدنيا قانونها عايب
السافل موجود والشهم غايب
مافي أصحاب مافي حبايب
واللي بتثق فيه بيبيعك من غير نايب
واللي بتقول عليه غلبان بيغلبك وبيعمل عجايب
بتروح لاصحاب المشورة بترجع مليان مصايب
بتقول عنه سكر بتلاقيه علقم ذايب
من كثر الهموم صار شعر الطفل شايب
البنات عنست من غلاء مهور وكثرة مطالب
والشاب مابيحصل جوازة الاوهو شايب
الطالب في المدرسة قاعد وعقله غايب
والمدرس بيشرح لحيطان والحكي مش جايب
وفكره سارح في الراتب اللي مش مكفي المجايب
والكل حيران فكرهم سارح مش صايب
واللي بتفكره غنيمة بترجع من عنده خايب
اذا رحت مستشفى بتشوف هناك عجايب
مافي نظام مافي عدل والضمير صار غايب