في كفها خاتم وفي خدها خال لـ ( محمد بن فطيس )

الــــــــــــــسلام عـــــــــــــــــــليكم ورحـــــــــــــــــــــــمة الله وبــــــــــــــــــــــــركاته

حبيت انقل لكم هالقصيده اتمنى ا تال استحسانكم واعجابكم

فـي كفهـا خاتـم وفـي خدهـا خـال=وفي عينهـا غيـم وعمـارات وبيـوت
الخال شفته واضـحٍ مـن ورى الشـال=والخاتـم المـاس مـرصـع بيـاقـوت
والعمر في العشرين كنـي مانيـب زال=والجسم كنه مـن جبـل ثلـج منحـوت
جبـل ولكـن لا طرقـه الهـوى مـال=وخطواتهـا ماهـي بالأمتـار بالفـوت
ماهي تشوف الشمس من ظل الاظـلال=ومصيافهـا مـا بيـن لنـدن وبيـروت
الشمس لو تشرق علـى جسمهـا سـال=كنهـا مجسـم محلبـيـه وبسـكـوت
ومن صغر مبسمها شقى حالهـا الحـال=ما تاكل الا اللـوز والخـوخ والتـوت
ماهي تشوف النـاس تمشـي وتختـال=ومرٍ على جاكور ومـرٍ علـى حـوت
وخدامتيـن وهـي بـلا زوج وعـيـال=وسمعتهـا تدعـي الدريـول ييـاقـوت
وثـلاث جــوالات مـاهـو جــوال=ومن يوم خلقـت كـل شـيٍ بريمـوت
لكـن قلبـي مالـهـا فـيـه مثـقـال=وش قرب البشت الحساوي من الكـوت
ياجعلهـا للـي خـذت قلبـي نـعـال=اللي غلاهـا عنـدي الشـرب والقـوت
حوريـةٍ مـن فوقهـا الليـل شــلال=كنهـا صبـحٍ فوقهـا الليـل مكـتـوت
قلبي لها مـن كثـرة الشـوق مشخـال=وللسـر عـن كـل المخاليـق تابـوت
تنحت لي من الحب في القلـب تمثـال=وحبي لها ينحت علـى الساحـه بيـوت
فـي عينهـا ماكـل رجـال رجــال=وأقصى حدود الوصل في سلمها الصوت
زودٍ على القلب وعلى الحسـن مـن آل=روسٍ لهم روسٍ على متونهـا بشـووت
الى رضت موتوا يا أهل روس الأموال=وإلى زعلت جربت وش سكرة المـوت
مـن دونهـا رجلـي وراكـب وخيـال=والسيف والأمـواج والبحـر والحـوت

اخــــــــــــــــــــوكم




ابن مرهوف