نور عيني

احسب إن البعد نساها هوايــــــة
واحسب إن الصد نية نور عينـــي

واحسب انه سامعاً هرج الوشاية
طاع في حبي كلام العاذلينــــــــي

صد مدري وش سبب صده منايـه
غاب جعل الله على افراقه يعينـــي

صاحبٍ زينه مع الترفات أيــــــــة
جل من صوره رب العالمينــــــي

من جماله مزعجاً حتى المرايــــه
تشتكيه امرايته في كل حينــــــــي

لا حكى ما ودك لهرجه نهايــــــة
لا هرج نسمع لهرجه منصتينــــي

بس راح وراحت أجملها حكايـــة
قصةً تروى مابين العاشقينـــــــي

قلت أبرجي وصلها مقطع رجاية
في وصاله لو تباعدنا سنينــــــي

ويوم عود وانتهاء بقربه عنايـــه
انتهاء هماً من افراقـه يجينـــــــي

ياهنايه يوم عود ياهنايــــــــــــة
ياهنا عيني بعودة نور عينــــــي